اخو الهادي اوصيه يحماي الحميه
هجمت كَـوم الأشرار وام الحسـن بلدار
يحمـاي الحميه
~***~
يوم الصاحت ام الحسن ياكرار
ادركنـي يبو الحسنين يامغـوار
خلف الباب انه ياوصـي المختار
صكَد مني الجنين وضلعي بلبسمار
لذت وطبكَـ عليه يحمـاي الثنيه
انه الزهره بالـدار عليه وجو النار
يحمـاي الحميه
~***~
أدري ابحيدر امـوصه يهـادينه
وانه ابصبري صحت وينك يمهدينه
مـن شفت البطـل حيدر امكَـيدينه
انهـض يـاسليـل المصطفى وعـينه
الوصي الهادي نبينه وابو الحمله عَلينه
علي شـي واجه اخطار من طب ذيج الأسوار
يحمـاي الحميه
~***~
رغم كسر الضلع طلعت البضعه اوياه
لبو الحمله تغـدره اتخـاف ذيج اعداه
صاحت خلـو ابن عمـي الشهم وافداه
اذا ماتـتركـو للـباري انـه انخـاه
شـافـت آل اميه خطر هاي القضيه
هدو اخو المختار اميه كَـوم فجار
يحمـاي الحميه
~***~
مـن ليهه رجـع كَنفذ وآذاهه
شـال ايده النذل والعينهه ادماهه
وضربه ابصوط ياحيدر وخـلاهه
وتـنكرت للمصطفـى اشوصـاهه
بالبضعه الـزجيه وعلي إمام البريه
يبويه عكَبك اشصـار غدرنه الزمن واندار
يحمـاي الحميه
~***~
من كَربت منية فاطمه الزهره
لبو الصبطين كَامت تون وتخبره
علـي بليل نزل جسمـي الكَـبره
ولاتـشهد اعـدانـه ياابـو العتـره
علي ابهاي الوصيه ذكـر ذاكـه نبيه
مـن اخبره بأسرار بابك تشتعل نـار
يحمـاي الحميه
~***~
حمله المرتضى لم الحسن وحسين
هـذا من امتحان الله الوصي الدين
اصـبر للمأسـي ياابـو السبطـين
علي شوصتك هـل بضعه وتون للحين
الزينب ترجع اتريد ابحماكم ياصناديد
وحدهـه هيه بلـدار يبويه وكَلبي احتار
يحمـاي الحميه
~***~
شاعر اهل البيت (ع)
محمد عبد الزهره النجفي