ياحـامي الجـار يابويه ياحـامي الجار
زينب مضلومه ونـادت ياحـامي الجار
~***~
ياوصي المخـتار ياابو اللـيثين
صحنه ياكرار اوالـد الصبطـين
الحسن هذا العود أوذاك اخوه احسين
الله نـصبكـم شـرف يهـل الديـن
كَبل الاكوان خالقـكم كَبل الاكـوان
وخصك ياحيـدر انته ياحامي الجـار
~***~
الله مـن آمر يصعد المخـتار
جـان بينه وبين ربه بس اسـتار
هـومايدري الباري الـه من اختار
يشـرح الخـالـق والنبـي محـتار
يخبره شيصير بالزهره يخبره شيصير
وحيدرمجتـوف ابصبره ياحـامي الجار
~***~
النبي من أخبر حيدر المغوار
كَله هاي الكَوم تهجم اعله الدار
الزهـره يسبوهه ويوجـون النار
انتـفض حـيدرنه وجـرد البتـار
لامر الرحمان استسلم لامر الرحمان
وضليت بهـاي المحنه ياحـامي الجار
~***~
حاقده الاشرار ياابو الحسـنين
وي رسول الله اشلون حامه الدين
على الوصي حقدت من بدر وحنين
وآل امـيه تـريد تـنتـقم للحـين
والشيعه اليوم تمنعهه والشيعه اليوم
وابثار حسـين نطلبهه ياحـامي الجار
~***~
احنه شيعـتكم ياابـو الاحرار
واحنه اولادك ياأخـو المخـتار
بلعراق اليوم اوكَفنه نحمـي الدار
رغمن اعله اعداك وكَومهه الاشرار
رغم الي صار ياحيدر رغم الي صار
حدنه ويـاكم للـمنحر ياحـامي الجار
~***~
والوهابي جاي لينه من ابعيد
ونعرف اشعنده وشيبي وشيريد
ايريدنه ننكر ذاك ابـونه الحـيد
والنواصب هـاي اتريدنه ويه ايزيد
واحنه الكرار حادينه واحنه الكرار
وانته بسيفك تحـمينه ياحـامي الجار
~***~
وكَبل هل احداث رادنه هدام
للوصي انتركه انعيش بالاوهام
ماقبلنه احنه انوالي هـل الضلام
والبعـث قصده يمحي هل الاسـلام
بثورة شعبان نادينه بثـورة شعبان
حيدر انتـه قـائدنه ياحـامي الجار
~***~
شاعر اهل البيت (ع)
محمد عبد الزهره النجفي