نادت المظلـومه وينك ياعباس
خويه انتصر النه مااكَطع الضنه
وينك ياعباس
~***~
زينب اتنادي ياابو فاضل وين
خويه ولتنه الكَوم ياضي العين
من بعدك الهل العايله منهوايعين
ياابن ذاك البطـل حمـاي الدين
يبن القلـع خيبر ياكَمر عدنان
خويه العدو اتجسر وينك يبن حيدر
وينك ياعباس
~***~
عباس شاهد زينب ويتذكر
ام البنين اشوصته بهل خدر
كَلتله اخوك ابن الصميده حيدر
هذا الحسـين وشبله هـذا الاكبر
تنصر ابو اليمه يبن الميامـين
يـاحـامي الخدر انهض ياالمشكر
وينك ياعباس
~***~
بلسيف والرايه يبن حامي الجار
تهزم اجيوش الـي عليكم تندار
وانته الـذي يـوم احملت بلبتار
خليت روس العده بلطـف طشار
ماواحد اكَبالـك يوكَف ياعباس
وحسين ينظرلك يتـبشر ابهمتك
وينك ياعباس
~***~
وسكنه الذي تنتظر يرجع عمه
وماتدري ماويصل الماي اخيمه
ومتـأكـده العبـاس مـايهظمه
وتريد عمه البطـل يوصـل يمه
عباس يـاعمـي وينك يامغـوار
غدرتك عدوانـك واطفـال بخيامك
وينك ياعباس
~***~
من ملى الماي ورجع شبلك حيدر
شـاف الجيوش الي ملت ذاك البر
مـاهمـته خيل الـعده والعسكـر
لازم المـاي ايـوصـله للـخدر
تالـي انطبر راسه واجفوفه على الكَاع
وعينه الذي انصابت وسكنه الذي صاحت
وينك ياعباس
~***~
من اجه حسين ومسح دمه البلعين
نـاده ياابوفـاضل أوفيت الـدين
وادريبك اتحب تـنتصر لهل الدين
عباس يابن المرتضى وعود حسـين
كَصده ابو اليمه يحمـل العباس
للـخيم للـعيله خـويه ياوالينه
وينك ياعباس
~***~
شاعر اهل البيت (ع)
محمد عبد الزهره النجفي
