من الشـام اجينه ابـهاي الضعينه
ابسجن ال اميه الضلام جم جور شفنه والالام
وجينه بسبينه ابهاي الضعينه
~***~
شتريد شحجيلك يخويه ابهليوم
من كربله للكوفه اخذونه الكَوم
اْويانه علي السجاد شبلك مالوم
وايتام تتلاعه الكَلب كله اهموم
وانخـه ويلينه حامي الضعينه
ريتـك يعبـاس اتكَـوم اتشوف اختك ابـهاذا اليوم
ليكم لفينه ابهاي الضعينه
~***~
يحسـين منـي اتفرقت ايتامـي
والكَوم وجت نـارهم بخيامـي
وعباس فوكَـ النهر ذاك الحامـي
الضعن الحسين وماطفل ضل ضامي
تـالي انولـينه جارت علينه
من بعد عباس الكَوم تنتقم رادت هليوم
ومسلبينه ابهاي الضعينه
~***~
آنه شفت جذتك يخويه ابلا راس
وسمعت فوكَـ النهر نايم عبـاس
وعيال بالبر هجمت عليه النـاس
لا ذمه عدهم لا شرف لا احساس
اتنـاسو نبينه ومكَـيديـنه
اولنـه ذاك السجـاد ابن الاحرار الامجاد
ذاك ويلينه ابهاي الضعينه
~***~
يحسين خويه كَمت الم بعيالك
وبالبر يخويه هايـمه اطفـالك
وبكربله حركَو يخـويه اخيامك
وصعبه يبو الاكبر ألم ايتـامك
اقيود البدينه ومـألميـنه
بويه صحت يـاكرار ضلمونه كَوم الاشرار
جارت علينه ابهاي الضعينه
~***~
جابت النوكَ واجت ذيـج الانذال
والحرم مرتـهبه يخـويه واطفـال
وزينب غريبه ابكربله ابـهل الاهوال
وذاك علي السجاد شوفه ابيـاحال
وآحنه انسبيـنه يشـهد عليـنه
الباري ابسماواته ايشوف عايـلة حيـدر بالخوف
ولا حامي لينه ابهاي الضعينه
~***~
آمن اكَربنه للشام وشفته من ابعيد
بدفـوف تلعب ناسه جنه ابعيـد
وذكرت عبـاس البطل والصنديـد
من شفت قصر ايزيد هذا ابن اعبيـد
صحت انهض النه حامـي ضعـنه
وين الوعد ياضرغام جابونه اسرى للشام
والالام بينه ابهاي الضعينه
~***~
شاعر اهل البيت (ع)
محمد عبد الزهره النجفي