اليوم ابن الحسن يومه كَـام ايجول بلحومه
هـدم جيشه لبن زياد يضرب بيهم اشماراد
هذا جاسم وامه المضلومه اليـوم ابن الحسـن يومه
~***~
الحسن كَربت منيته وكَال جيبولي البطـل جسام
ابو محمد ابذاك الحـال أريدك تنصر الأسلام
اريد امسـي ابهدوء البـال وخل يجري بعروكَـ السام
الحسن يدري الطفوف اهوال كَـام وقلده لـي حسـام
أشار اعله الغريب وسال هذا ابني البطل ضرغام
يومه ابكربله جـاسم ينصر عمه وكَومه
~***~
بدت هاشم تصول اتجول تنطي ادروس بلحومه
تقدم جاسم وشي كَول عمي ونعم العمومه
عمره اثنعش بدر وحول اريد اكَلب عرش كَومه
يوصل لعد عمه يحول يريد يخبره بهمومه
يشوف المعركه والهول ويدري الحرب محسومه
ينضر عمه الجسـام ويعرف امه مهضومه
~***~
الدنيه ادروس تنـطينه علـى القاسم بعد اكثر
من طب حومته جاسم اول درس بيه نذكر
الوصية والده هـذا ثاني درس هذا الحُر
ونصرة عمه بلميدان ثالث درس نتذكر
لو نحسب دروس اهواي مـن هلشاب والأزهر
شبيه المرتضى حيدر من صاح ابأعاديه
~***~
طفو شمعة شبابك ليش اجلاف آل اميه اليوم
كـل واحد غده منهم شايل حمل من اهموم
غده هـذا يلـوم ابذاك شاب ايكَله واحنه اهزوم
وين ابطـال هلميدان كل واحد وبيه ادموم
صاحو هذا مو معقول بالميدان صقر ايحوم
عمه حسـين والوالد ذاك الحسن من ضيه
~***~
شاعر اهل البيت (ع)
محمد عبد الزهره النجفي
