شردت كل الفرسان الأكبر طـب للميدان
هذا ابن حسين الثائر يسحكَ كل حاكم جائر
اتصور الهم طوفان الأكبر طب للميدان
~***~
الأكبر شبيه المصطفى من قرر
انه علي ابن حسين صاح وكرر
يافـارس المنكـم يقـاوم يكَـدر
انـه ابويه حسـين انـه الأكـبر
يافـارس بالميدان يكَدر ينطي برهان
يتقدم لييه إيحـارب والأكبر ضل يجارب
ومتعجبه اهل البهتان الأكبر طـب للميدان
~***~
نضرت الفرسان العلي يتقدم
كَباله الجيوش واله ضل مايهتم
الفرسان نادت منهو هذا الضيغم
وتحـيرت بيه كـثر عليه الهـم
صاحت هـذا الكرار من خلاهم طشار
حيدرمعروف ابشانه وشاهدناه ابميدانه
يعصف كـل الجيمان الأكبر طب للميدان
~***~
وحسين ينضر لبنه هذا الماجد
هجت ارجال المعركه وماواحد
يحتار واحد ثاني يصبح شـارد
ومين اجانه هـل البطل والمارد
هشم روس العدوان وهدد ذاك الصيوان
وقائدهم ضل ايفكر ينضر ليه ومتحير
وشتت شمل العدوان الأكبر طب للميدان
~***~
ثبتت بعض فرسان عود وشجعان
ظنت تـقاوم هـل بطـل بلميدان
لاكـن الأكـبر قـدملهم برهـان
يسحكَ ابروس اعداه كـاين من كان
صاح وجدي الكرار اضربكـم بالبتـار
انه ابن حسين القائد ذاك المغوار الوالد
وعمي كَـمر عدنان الأكبر طب للميدان
~***~
من بعد هل الجوله رجع يطلب ماي
يابويه يحسـين العطش فت احشاي
بشربة اميـية أرتـوي من اضمـاي
ويصفكَـ ابو اليمه بألـم هـاي ابهـاي
والأكبر ينضر ليه ويتحسر كَـام اعليه
من تستشهد يالأكبر جدك من نهر الكوثر
ذاك نهر الرحمـان الأكـبر طب للميدان
~***~
من رجع للمعركه بنوره وازهر
ظنـت الفرسـان اليقاتـل حيدر
صارت الحومه اتكَول يوم المحشر
يابطـل يتبـارز اويـاه اتكَنطـر
هازم كـل جيش ايزيد بالحومه وهوه اوحيد
وحسين عيونه التشبح لبنه بأيمانه امسلـح
يضرب شافه الشجعان الأكـبر طب للميدان
~***~
من بعد ماشتت اجيوش ابن ازياد
ومتلك ذيج المعركه بعزمه وزاد
انشـاهده ومتهـيبه منه الاوغـاد
كـل فـارس الـي يكَرب عليه ينباد
يشبه جده المختـار تشرد منه الأشرار
وانعم بحسـين الوالد منه وهل شاب المارد
ويجول بهل وديان الأكبر طب للميدان
~***~
شاعر اهل البيت (ع)
محمد عبد الزهره النجفي
