ام البنـين انه امكـم يولادي انتو الأحرار
الزينب تحموهه الكبره وحسين وباقي العتره
يـولادي انتـو الأحرار
~***~
يحسـين انه ام البنين الحره
انته أبن حيدر وذيـج الـدره
ارد اوفي يبني ابهاي ذيج الزهره
مـن تقبل ابويلادي كَلبـي اتسره
اترجـاك اقبل بيهـم يبارونك هل الأقمار
اربـع أخوه بخدمتكم امهم انه اموصيتهم
يـولادي انتـو الأحرار
~***~
نادت يبو فاضل يراعي النوماس
ادريبك انته أبنـي ترفعلي الراس
كَـلهه ابشـري آنـه ابنـج عـباس
ومعروف ابن حيدرنه ذاك الجرنـاس
والله اليوصل يم زينب اتشوفي جثـه ابلاراس
ام البنـين ابتـشرت صـاحت عباس اوحيت
يـولادي انتـو الأحرار
~***~
تعرف العباس وأخوته الشجعان
ذوله ليوث الحرب واهل الميدان
والدهم المرتضى حامـي الأوطان
اولاد ابو حسين الذي عالـي الشان
اشبولك ذوله واولادك ياحـيدر ياكـرار
امربـيهم انته وتعـرف ينتصرون ابكل موقف
يـولادي انتـو الأحرار
~***~
عباس يبني إكفـل بنات الكرار
وزينب الكبره بت علي حامي الجار
وحسـين البو اليمه سلـيل الأطهـار
واضرب اميه بسيـف ابوك البتار
انه امكـم وادري بيكم للحكَ انتو اتنصرون
عبد الله وعـون وجعفر وانته العباس الأكـبر
يـولادي انتـو الأحرار
~***~
ام البنين اتوجهت يم حسـين
يبني أربعه ذوله أُخوتـك طيبين
محفوضه من عالم الذر والتكوين
فـدوه يصيرولك ويحمـون الـدين
بالطف جربهم يبني اولكـم يتـقدمون
ويحمون ابنات الزهره وحسـين وكل العتره
يـولادي انتـو الأحرار
~***~
بزينب وصيتي يعباس وبحسين
تنصر حسين وترعه زينب بلعين
عباس زينب هـاي بت حامي الدين
وبهـاي انتو تنصرون الطيبيـن
لتـقصر يبني وياهه حته الكَطع الجفين
ونواسي بهـاي الحره بت المخـتار الزهره
يـولادي انتـو الأحرار
~***~
شاعر اهل البيت (ع)
محمد عبد الزهره النجفي
