موشح :::: الامام الحسين (ع) ::::

شفت يحسـين اشصنع بينه الدهر
من اجه يصـهل للخيـام المـهر
ذاك عبـاس البطـل فوكَ النـهر
خـويه عكَبك من يحامي العيلـه
~***~
من اجه مهرك ويصـهل للـخيم
طلعنه مفزوعـين اطفـال وحرم
صحنه يبن المرتضى وراعي الشيم
اظلـمت الدنيه يخـويه علـينه
~***~
اطلعت ادور اطفـال بلبر هايـمه
ولا ولي عندي يـبن حامي الحمه
والحرم تصرخ وماخذهه الظـمه
والخيـام النـار تلـهب بيـه
~***~
هذا بعض الي جره بطـف كربله
اظلوع ابو الاكبر ابخـيل امهشمه
سـدد النبلـه نذلهـم حـرمله
بحـد الخيـام الـذي حركَوهـه
~***~
امر السجـاد نجـمعله الاطفـال
من نظر شاف العده تسبـي العيال
وبلمرض ممتحن حاله شلون حال
ايريد ينهض يحمي هـاي العيله
~***~
وبعد سـاعه جـابو النوكَ واجو
وركـبو عيلـة الكرار وحـدو
وين كَصدو يبو الاكبر من سـرو
كَصدو ابـن ازيـاد وملوعـينه
~***~
من وصلنه الكـوفه الاف الجموع
تنظر وبعـيونه شـافت ادمـوع
ومن صياط اعداك اطفـالك اتلوع
ولـبن مرجـانه الـشمر نـاوينه
~***~

شاعر اهل البيت (ع)
محمد عبد الزهره النجفي

:::::::::::::