انت حبيب الروح وانت الأريدة, وأعلنت هذا وياك هم بالجريدة.
**
حسبالك آنه انساك من ما اخابر,, ماينحمل فرگاك بس گوه صابر
**
هاك الگلب والعين وتبقالي بس عين، وهم بعد من تحتاجة اگسمها نصين.
**
أرد أسألك يفلان إحچي بصراحة , الفارگ الأحباب هم يلگه راحة
**
تحلم چنت بالطيف تتمنى امر يوم,شو هسه يالمحبوب بس اكعد تگوم
**
محتاره شكتب إلك وانت اغلى من العين ,تبقالي انتة الاخو وانت الصديق الزين
من شوگي زادت ضنوني
والدمع غرگ جفوني
ياخوفي الي احبهم
يجي يوم وينسوني
**
مره احضن الموبايل مره ادنّه ابوسه
رقمك امسجل بيه كل ساعه ادوسه
**
انهجم بيته الگال واحد يشبهك, وهم تلگه مثلي أبيوم واحد يحبك.
**
شفتك أجيت اليوم والدمعه طاحت, ومن رحت عني أبعيد چن روحي راحت.
**
من تكطع الترميش كل ضنك انساك ,من السجل امحيك بالصادره الگاك
**
كون انگلب صاروخ واشعل سگفكم ... وانزل بنص البيت واصرخ احـــــبكم
مره احضن الموبايل مره ادنّه ابوسه
رقمك امسجل بيه كل ساعه ادوسه
من أبچي إبچي وياي يا روحي وإنعي
ولو حزني ما بچاچ من يمي اطلعي
*
لاتنخة هذا وذاك آنة ارد اوصيك
شو محترگ بالماي چابيش اطفيك
*
ميت وأكلني الدود بس ما نسيتك ..
بالبرزخ آنه هناك واتذكريتك
*
فوگ الصبر صبرين ينطق صبرنا......
واحنة انتهة الصبرين حتى بمهدنه..
*
دله والف فنجان للخوه صبيت
نكرو ذاك الطيب بس انته ضليت
*
يالرايح لبغداد مر بالرصافة
وگلهه الكرخ زعلان والفرح عافه
*
غيره وكرم واخلاص كلهن صفاتك
واتعب شوصف بيك يالطيبه ذاتك
*
للدوم اظل وياك يل طيبك يفوح
ولخوتك ماعوف لو تطلع الروح
*
افديها هاي الروح لو تطلب انته ...
أشّر ولو بالعين بس گلي يمته
*
يا عمي اريد انخاك يابو المروة... بلكي تمر لهواي واجيبة كوة
الرد
اكدلا املا بهواك لكن شكلة...مو اني هم هواي ربالي علة
*
هم الليالي اتعود ونگعد إبغداد
ونتلاگة وي الاحباب ونشكي من البعاد