بسمه تعالى
سلام عليكم
--
--
موشح اندلسي للغدير
--
--
--
حصني گال الله ولاية حيدره -- للدخل حصني امان أمن العذاب
يروي كل ظمئآن منهل كوثره -- من يزيغ البصر ساعات الحساب
--
الله للواله علي منطيه عهد -- من عذابي أيأمن البيه يعتصم
حصني گال اليدخل الحصني وعد -- بالحشر لو صار ماينعد خصم
هوه لو ماغيره بالله من شهد -- چان حتى الدين ميظلّه أسم
والهُبل والات ياهو الكسره -- اسئل الكعبه ترد هيه الجواب
أبوقعة الخندق واحُد وبخيبره -- نايحه بكل بيت خلاها ومصاب
--
راسخ الايمان ويجود النفس -- صولته يشهد اله ميدانها
علي لو طب الحرب عنده عرس -- منه تجفل بالوغى فرسانها
وذيچ الابطال التشوفه تنخرس -- ينعگد للموت ولله السانها
ساعده بالحرب من أيشمره -- أيطير كلمن شافه من راسه الصواب
علي چم جحفل ابسيفه ايدمره -- ودمهم ايشّربه حيدر للتراب
--
سيف للحق يد الله الضاربه -- أبقل هو الله أحد بيها انتصر
مايثني الضربه وحده امجربه -- يطعن ابرمحين شافه كل نظر
علي للجن راده يسلم حاربه -- واشتكى الجن من علي السيد البشر
شافوا امن السيف دمهم گطره -- الموت يسقيهم علي چان الشراب
الكل نبي حيدر صبحله مفخره -- للجهل من هدمه واصبح خراب
--
علي سر الكون واسرار الوجود -- نور چان او بالعرش ل لله سجد
والسمه لجله رفعها ابلا عمود -- ابيت الله شلون حكمه من انولد
علي هاي الدنيه ما الها حدود -- غيره ياهو اتصيرله الكعبه مهد
للنبي من الطفوله امعاصره -- لحظه عن المصطفى حيدر مغاب
ناصر الله والرسوله ينصره -- همّه مرضات الله رايد والثواب
--
سيد عدنان الحمامي
توقيع : عدنان الحمامي [center]