اجيناك عنايه ... يالحسين مشايه ... هذه لواك والرايه ... ونضل الك وفايه
باربعينك زاد وني والعذاب ... يا حسين ويا خضيب على التراب
للقيامه عليك مايبره المصاب ... وصار بمصابك سؤالي والجواب
ياسليل الدين يا حر ومهاب ... ياعضيم الشان يانور الكتاب
اجيناك يالايه ... ولفركاك شجايه ... يالمحروم من مايه ... انت المنى والغايه
ياغريب ويا شهيد ويا خضيب ... ما الي بالدنيه غيرك من حبيب
صدك يجمعني بثرى نحرك نصيب ... شمس انته بكل زمان وما تغيب
جنه عطرك ليه وترابك يطيب ... عالفرات وضامي يالجسمك سليب
للحسين ودوني ... زاد الشوك بعيوني ... يا غايتي ومضموني ... يالبالشدد تجايه
ياغريب بغربتي اصرخ حسين ... يبن داح الباب يا اسد العرين
ياحبيب الله وتاج المؤمنين ... ياضخر زينب يفخر الصابرين
حركو خيامك هذوله الكافرين ... ومنعو الماي على اهلك والضنين
والعباسو وجفوفه ... لحسين ابد ماعوفه ... بقلبي ثبت معروفه ... واسمه نقش بحشايه
يابو فاضل رد على زينب جواب ... اختك تصيح وتوجهلك خطاب
يبو الغيره وزادت وياك العتاب ... بشده زينب وانته نايم عالتراب
شلون اختك ترضه يوصلهه العذاب ... نادت الحك يا جفيلي قلبي ذاب
يعباس يعيوني ... ترضه الكوم يولوني ... بالسياط ضربوني ... وصرنه بجفاك سبايه
يالحسن وننت اخوتك بالطفوف ... مكطعه الروس بدماهه ولا جفوف
يالحسن واعداك يم اختك تحوف ... وهذه اخوك حسين ضامي وبالحتوف
راحو اهلك كلهم بطعن السيوف ... والرماح تريد الهم ما تعوف
والحوراء مرهونه ... عند يزيد مسجونه ... والعليل ياذونه ... دموم الكيد جرايه
اجيناك عنايه ... يالحسين مشايه ... هذه لواك والرايه ... ونضل الك وفايه
رحيم الحسناوي