أكرم النجفي المديـــــــر العــــــــام
عدد المساهمات : 4492 نقاط : 24549 السٌّمعَة : 31 تاريخ التسجيل : 26/07/2008
| موضوع: مناجاة مع الامام الغائب 11/5/2010, 12:40 pm | |
| مناجاة مع الامام الغائبيا بدر محجوب عن احبابه
ياهو مثلك بدر طال غيابه
******
ياهو مثلك بدر طالت غيبته
وابد ما انطانه موعد رجعته
سافر وطالت علينه سفرته
وخله جم دمعه عليه سجابه
******
عادت العاشك اللي فارك حبيب
حته لو يمه هله جنه غريب
وبد ما يرتاح دلاله ويطيب
وبد ميداويه بس الصابه
******
سيدي الفارك حبيبه شيبكه بيه
يضل مأسور بأمل ساعه ويجيه
ومو بديه لو راد ينسه مو بديه
جمرة الحب سيدي لهابه
******
وحنه ظلينه اساره محبتك
الشوك نحلنه ونناطر طلعتك
صدورنه مخنوكه كلها الفركتك
وكمنه ندعو كلمن بمحرابه
******
غيبتك مولاي حزت بالنفس
اظهر ولقن بني ميه درس
عدنه ماتم سيدي وعدهم عرس
وفوك كل هذا وهم طلابه
******
سيدي عابونه بمعاكب سنين
وكاموا يكولون هذا الثار وين
صار الف عام عله جتلتنه لحسين
وشفنه بس شيعته تبجي مصابه
******
كلي شيكلهم الماعنده كلب
الخلص باللوعات والدمعه التصب
وبعد ما عنده امل غير الحرب
ياهله بيوم الحرب وصحابه
******
سيدي تنتظر جيتك كربله
ولمسافر كون يرجع يم هله
ياخذ بثارات ابن عقد الوله
والذي اذاه يصفي حسابه
******
تردي خلو عمتك عالتل تصيح
تدري خلوها تون ونة جريح
تدري خلوها عله الغبره تطيح
ومن تطيح الطف يهيج ترابه
******
واعلياه السمه خمدت نور ابدوره
والارض تنعاك يا ناطوره
*********
السمه بنورك علي جانت تشع
وذكرك يخلي الملائك تنجمع
الك تمثال بسماوات السبع
تطوفه كل ليله الجنان وحورها
*********
والارض انته جنت اله وتد
وحكه ماجت بالظلم حين نفكد
هم شفت غابه تضل بلا اسد
الدين عكبك قلعه طايح سورها
*********
بالارض ذكرك ذكر كل مكرمه
وبيك تتنخه البشر بالموزمه
البطال تصيح يا حامي الحمه
وبالسمه تتغنه بيك نسورها
*********
انته ذكرك رحمه ويحل الكرب
ونته عالكافر اشد من الغضب
بس تشوفك ياعلي بطال العرب
تكوم بيديها تشك كبورها
*********
يابطل جدام سيفك ماركع
ومرهفه يرجف لون بسمك سمع
بالحرب لو سيفك نشال ولمع
للذبح كله تسلم نحورها
*********
يالجنت ويه النبي نفس بنفس
ونور وجهك ياعلي يعمي الشمس
شلون تاليها وصلك هالرجس
والشمس تعمي العيون بنورها
*********
ابد ماصارت ولا ظنه تصير
ينطبر مثلك يضيغم يا امير
ونته ساجد وبألاهك مستجير
وشيعتك بعدك نهجمت دورها
*********
وثارك لهليوم محد طالبه
وين جا موعودنه النترقبه
والله طالت والكلوب مصوبه
شكد نعد سنينها وشهورها
*********
شكثر تتنطر الشيعه وتنتظر
ونصها ماتت ياعلي وظمه الكبر
الدنيه صارت ليل والتاني الفجر
وكام تصرخ من ظلمها وجورها
*********
تدري جم ثار البكه ينطر هله
حسين من دفنوه محد غسله
وثار بتك غيركم ياهو اله
اخ يا زينب ويا عاشورها
*****
الشيخ زمان الحسناوي
| |
|
وردة المنتدى مشرفة عامة
عدد المساهمات : 1597 تاريخ الميلاد : 03/11/1989 العمر : 34 العمل/الترفيه : طالبه المزاج : حزينه نقاط : 13795 السٌّمعَة : 5 تاريخ التسجيل : 20/12/2009
| موضوع: رد: مناجاة مع الامام الغائب 13/5/2010, 5:10 am | |
| بارك الله فيك موضوع مميز وطرح رااائع | |
|
أكرم النجفي المديـــــــر العــــــــام
عدد المساهمات : 4492 نقاط : 24549 السٌّمعَة : 31 تاريخ التسجيل : 26/07/2008
| موضوع: رد: مناجاة مع الامام الغائب 13/5/2010, 11:10 pm | |
| | |
|
محمد عبد الزهره النجفي شاعر مميز
عدد المساهمات : 1123 تاريخ الميلاد : 01/07/1966 العمر : 57 العمل/الترفيه : خدمت اهل البيت(ع) نقاط : 13421 السٌّمعَة : 23 تاريخ التسجيل : 13/12/2009
| موضوع: رد: مناجاة مع الامام الغائب 16/5/2010, 6:18 am | |
| احسنتم كثيرا على هذا الموشح الجميل | |
|