بسم الله الرحمن الرحيم
اللهم صل على محمد وآل محمد وعجل فرجهم
أجمل التهاني في مولد الكرار عليه السلام
اشّــــــر جــوازي ياعلــــي
ــــــــــــــــــــــــــــــــــ
اهواك آني إو كُل هلي === أشّرْ جوازي ياعلي
ـــــــــــــــــــــــ
إفرحْ يشيعي إبمولده == خلّي التهاني صاعده
وإلعنْ نفوس الحاقده == باغض علي بيه الرِدَه
كُل مَنْ يحبه يعتلي == أشّرْ جوازي ياعلي
ـــــــــــ
إرفعْ تهاني الفاطمه == وَصّلْ نداءك للسمه
روحك تراها الغانمه == وإبحب علي إيروح الظِمَه
نادي الوصي يامنهلي == أشّرْ جوازي ياعلي
ـــــــــــ
هنّوا الأمام المنتظر == وإبيوم ميلاد الأغر
تِحْلَه التهاني والسمر == وإبليس مهموم إندحر
عنّي همومي تنجلي == أشّرْ جوازي ياعلي
ـــــــــــ
هَلّل فؤادي وإنشرح == باب السمه بان إنفتح
نزلتْ ملايك بالفرح == نادتْ حِظَه الشيعي إو فلح
والباغض إلهم يبتلي == أشّر جوازي ياعلي
ـــــــــــ
عطر الولايه الحيدره == يسري إبشراييني جرَه
ألقاه إسمي إبدفتره == وأمشي الصراط إو أعْبُرَه
بالحب فؤادي ينملي == أشّرْ جوازي ياعلي
ـــــــــــ
إقصد لبو إحسين إو حسن == لو مَرّتْ إعليك المحن
ما ضَنْ يعوفك ما أضن == وإتشوفه بالمحشر غدن
وبأسمه نادي يلولي == أشّرْ جوازي ياعلي
ــــــــــــــــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود أبو امجد الهجري
على الرابط التالي
http://www.wlidk.net/dldjJ389920.mp3.html
