زينب مضلومه اتنادي..... يـاحيدر يـاكرار

زينب مضلومه اتنادي..... يـاحيدر يـاكرار
عل غبره حسين اموذر..... واطفاله التاهت بلبر
ياحيدر ياكرار

بويه يحيدر صحت ياحامي الجار
ياعلي أحضرني الخيم وجوه ابنار
بخيولهه كَـامت تـدوس الأشرار
ابصدر الحسين وجنهه تطلبنه ابثار
اتهشم صدر ابن الزهره..... وكل انصاره الأحرار
ريتك يابويه اكَبـالي..... تنظر وتشاهد حالي
ياحيدر ياكرار

تحـظر يبويه ريت تنظر حـالي
من شفت راس حسين صار اكَبالي
وشاهدة راس ابن امي كله اطفالي
وجتـال اخـويه مـن بعد يبرالي
بويه وشاهدت النظره..... من هلكَوم الأشرار
الأطفال وباقي عيالي..... بالبر تاهت اطفالي
ياحيدر ياكرار

من بَعَد راس حسين اوجه النظره
لـن راس عبـاس وشفته الطبره
يـابويه هـاي اوياي ثاني غدره
خويه يبو فاضـل ابكَلبي الحسره
آنه اختك خويه الحره..... يلعبـاس المغـوار
آنه اختك وانظر حالي..... اعداكم ضلت تبرالي
ياحيدر ياكرار

ساعه وشفت علرمح راس الأكبر
وجسمه الذي علغبره طاح اتوذر
ودِرتْ آنه عيني لنه راس الأزهر
جسـام ابن شبـل الصميده حيدر
موبس روس اهل النخوه..... وروس الصفوه الأنصار
ريتـك تنظر لعيـالي..... عاشت بالرهبه اطفالي
ياحيدر ياكرار

يـاخويه شحجيلك بعد علضلام
بخويلهم كَـامو يسحكـَون ايتام
وعله الفواطم تحركَ اعداك اخيام
يابـويه شحجيـلك بعد مـن الام
داسو اجسـاد العتره..... ابحافر خيل الأشرار
بويه وصرت انته بالي..... تحظر وآنخه من العالي
ياحيدر ياكرار

حتـي الطفل ذبحوه ياداحي الباب
بيد الحسين الوالـد ابن الأطيـاب
لاتـرك بويه احـنه اولا اجنـاب
نعرف يبويه احنه البغض والأسباب
طفل ويرموه ابنحره..... وكَبله يذبحون انصار
بسماه انخيت العالي..... يرأف يابويه ابحالي
ياحيدر ياكرار

شاعر اهل البيت (ع)

محمد عبد الزهره النجفي

الله يعطيك الف عافيه
اخي الفاضل

شكرا اختي بنت السعودية على مرورج الطيب

بارك الله بكم قصيدة جميله ومؤلمة
جعلها الله في ميزان حسناتكم

شكرا لكم على مروركم العطر

شكرا اختي على المرور