تأسست في المغرب العربي جمعيه لرد الاعتبار للحمار
ورفع الاوصاف الدونيه عنه وفي مصر أنشأت مزارع لتربية
الحمير بعد ان ثبت علميا فوائدها الطبيه وفي العراق تأسس
حزب الحمير الكردستاني بعد ان إزدحمت المعالف السياسيه
بالحمير الوطنيه فإلىالذين =
إذابلغ الفطام لهم( حمار) تخر له (الاوادم)ساجدينا
وإلى كل حمار ديمقراطي اهدي قسما من الملحمه الحماريه
------------------
ياحمير إحملتوا أسفار الدهور
ونبياء إحملتوا وبناء الفجور
لو كرون بروسكم هاي اوشعور
جان ما للسوط مديتوا الظهور
اوجان ماقايضتوا دمكم بالشعير ياحمير
----------
ياحمير بعالم السفلي اليعيش
إيموله العالم العلوي بالحشيش
يستغلكم معلف التاريخ ليش
اوما جحش منكم إحتج اولاكديش
اولا قطيع اللسن صار إلكم نصير ياحمير
----------
ياحمير الصفنه متسمن الضعاف
طلعوا نهقوا اوعنفصوا إباب النظاف
ليش تحت سنونها تنام الشفاف
والغجر تطلع توعظ بالعفاف
وبن زرقاء اليمامه يضل بصير ياحمير
-----------
ياحمير اوجان كل وح وح أليف
ينبح إيدلي الغريب اعله المضيف
صار يستعرض أنيابه عالضعيف
اوياكل الاطفال بسنون الخريف
لئن ماحن عالطفوله كل ضمير ياحمير
-------------
ياحمير او ماأشوهلي وسيم
او لا أضيف جروح لحساب القديم
بس أظن شخاطه وبوقت السقيم
هوايه أفضل من قلم كاتب لئيم
والقلم لو نزع سرواله حقير ياحمير
-------------
ياحمير أقلام عدنه إمسننات
تدمي ظهر الركب متن الصافنات
لوكلت بحر الشعر بيه فاعلات
ليش كالوا تشتم إنته الامهات
وآنه شصنع بالتحت إبطه بعير ياحمير
-----------
وللحديث بقيه
------------------------------------------