الى امي الحنونه ...........

موضوع: الى امي الحنونه ........... 10/8/2010, 8:14 am

الى امي الحنونة ...
امي مثل كل الامهات طيبة وكلش حنونة ...
امي مفتونة بابوية وعاشكة نظرة عيونة...
امي نجمة ليل ما غمض جفنهة والكمر سلهم جفونة...
امي طباعها من طباع ارض الرافدين ..
شما قسى وياها الوكت تبقى ام الخير والست المصونة...
يامة ربت، يامة لولت، يامة سهرت، يامة ضحت،
يامة شالت ضيم لو عالجبل جا هدلن متونة...
واليحب امة يا عالم لا تلومونة...
تحت جدم الامهات الله كال الجنة مرهونة...
واذكرت امي بغربتي ووحشة الليل وسكونة...
وعاتبتني وين صرتوا وين رحتوا..
دوريناكم ييمة شمالكم ماتدلونة...
يمة دولبنة الوكت بين الدول حفاي نفتر
، نطلب من الجان يطلب منةعونة....
يمة رحنة ببابهم كلنة نتوسل
والشهادات الي عدنة شككوهة وقرروا ماشغلونة...
والشريف البينة نادر شغلوا يغسل صحونة...
يمة دارج دارعزنة والفخركل الفخر يم دار ابونة...
يمه طولتوا السفر والغيبة طالت صار مدة وماتجونة...
وانتظرناكم ييمه والصبر زاد وتبدة وفاض ماعونة...
يبني ردوا لكاعكم ولدار اهلكم والوكت غير ظنونة...
باجر نرد لوطنة وما نسيناكم ييمة خاف همة الينسونة...
ماعدنة ذنب يمة وية اهلنة، الذنب ذنب اهلنة الضيعونة
الذنب ذنب اهلنه الضيعونه .

\\
\\
\\
منقول للشاعر عباس جيجان

موضوع: رد: الى امي الحنونه ........... 12/8/2010, 8:05 am

شكرا لكم

موضوع: رد: الى امي الحنونه ........... 12/8/2010, 8:41 am

واذكرت امي بغربتي ووحشة الليل وسكونة...
وعاتبتني وين صرتوا وين رحتوا..
دوريناكم ييمة شمالكم ماتدلونة...

تسلمين حبي كلمات مؤثره جدآ

موضوع: رد: الى امي الحنونه ........... 14/8/2010, 5:36 am

اسعتوني بمروركم العطر