عدد المساهمات : 74تاريخ الميلاد : 18/03/1946العمر : 78العمل/الترفيه : كاسبنقاط : 10268السٌّمعَة : 1تاريخ التسجيل : 10/06/2010
موضوع: يا بساتين النجوم 31/7/2010, 4:15 am
يابساتين النجوم اتلألأن هاي ازهار الضوه ماتنحصد اولا بقبلاتي الورد يذبل لئن من سلالة جسد حوريه الورد ----------- يا جواري القمر ليلي مو خليع خلي نتسامر على ضفاف السهر نهر فضي ليلنه اوحبنه ربيع وستحم كلبي الطفولي بالنهر جذبته احله الصبايه اوتستطيع بجاذبيتها تنزلنه القمر مريميه والعذارى الها انتمن دافيه يلوذبعواطفها البرد لؤلؤيه من نسل يوسف اظن شما اوصفها يصيح الحب اعد --------------- دعني اتمرغ على اعتاب الجمال تحت طيات الشعر ليلي انطوه شفافها برعم على غصن الدلال اومن تجيها القبله تتفتح ضوه الوجه مثل الفجر والشامه بلال شلون ماصلي بمحاريب الهوه صلي ياحب العواطف اذنن اوخدها لؤلؤ طري عليه هم ينسجد سيد العشاك رشحني الزمن او صرت لالهة الجمال آنه عبد ------------------ قاصرات الطرف كلهن هالوصف بالجمال الروحي صقلنها الصفات ليش هذا الجنس نرميه بالضعف مو ضعيفه التنولد منها الحياة من تحبها تصيرلك شدة لطف إتعادل من تغيضها فرقة مشاة والعفاف ثياب الها تفصلن والوفه من اطباعها لمن تود بس عواطفها اذا يتجرحن تحرك العالم بنيران الوجد ----------------------- الكيتها آية ضوه بليل الذنوب اووجهي ميدور على مرايه بعد عهد رادت من هوى الدنيه اتوب اووقعت بشفافي فوك الخد عهد عقد كالت نعقد ابين الكلوب او عالعقد شاهدنه صار المعتقد غازلتها اوغازلتني اووقعن كلوبنه والوفه شاهد عالعقد كالت آنه للمحب جنة عدن وسمي مو آيه ولايه للمجد ------------------
محمد عبد الزهره النجفي شاعر مميز
عدد المساهمات : 1123تاريخ الميلاد : 01/07/1966العمر : 57العمل/الترفيه : خدمت اهل البيت(ع)نقاط : 13477السٌّمعَة : 23تاريخ التسجيل : 13/12/2009
موضوع: رد: يا بساتين النجوم 31/7/2010, 7:44 am
بارك الله بكم قصيدة جميله جعلها الله في ميزان حسناتكم
وردة النجف مشرفة خاصة
عدد المساهمات : 4933تاريخ الميلاد : 31/08/1983العمر : 40العمل/الترفيه : معلمةنقاط : 17143السٌّمعَة : 33تاريخ التسجيل : 02/02/2009
