الولاء الفاطمي
--------------
كبل ماتطلع شمس تكويني
آدم بحب فاطمه موصيني
00000000
يدري من أنتقل من صلب الصلب
ما أفارك جنة الحب من احب
لا بتفاحة الدنيه انغلب
لا تجي حوه الزمن تغويني
00000000
عالم الغيب الضميري قدره
للولاء اوصقل بالحب جوهره
إخلقني من فاضل الطينه الطاهره
اوصهر باللهب المقدس طيني
0000000
حصل نور المعرفه بواحد احد
والحقيقه إتجلت او عشت برغد
روحي فرضت سلطة الحب عالجسد
ونظرت عالم القدسي بعيني
0000000
شفت كل حادث دليل القدرته
حي كبل كل حي حيا ماسبقته
غاب بظهوره اوظهوره بغيبته
بغير كيفيه ولا تعييني
000000
روحي للأخلاص صار إلهه نشاط
ارتبطت بنور الملأ الأعلى إرتباط
تدري هذا النو مفتاح الصراط
اوهوه عالجنه الذي يدليني
00000000
روحي يوم الجردتها من الأنه
بعالم الأخلاص دخلت آمنه
إنشملت بألطاف وبصرت السنه
او هذا نور الباطن يناجيني
0000000
روحي شافت هالجسد عوده استوه
وأزهر بماي الولايه من إرتوه
نزلت من الغيب صارتله ضوه
وطمئنت حب علي مغذيني
0000000000
بنيت يم جنة ضريحه منزلي
اوجن على بساط الثريه معتلي
لون ماحب علي اوميحبني علي
جان حيدر جاره ميخليني
0000000
يدري متسلح إبأيمانه الضمير
اويدري بايعته كبل يوم الغدير
شافني بحب فاطمه اربطت المصير
والمصير الكربله يوديني
000000
سايرت من نشأتي أشرف ركب
أعلم بأجر الرساله أنطلب
بآية التطهير طهرت الكلب
او باهلت بيها الذي معاديني
000000000
فاطمه حبها نبع ماي الحياة
بيه تروه الباقيات الصالحات
لوبإيمانه اخضر طر الفرات
عالصراط الحب إلي يمشيني
00000000
الله ما بالعرش شرف مريمه
كبل ميمد أرض لو يرفع سمه
الله من نوره خلقها الفاطمه
شلون هذا النور ما يهديني
00000000
نور قديسه اوصديقه اوبتول
بيه للفردوس مضمون الوصول
فاطمه مراية القدره للرسول
اوبيها روحي تصد ملامح ديني
-----------------
------------