بسم الله الرحمن الرحيم
اللهم صل على محمد وآل محمد وعجل فرجهم
ناري ما تنطفي ( في إستشهاد أبي الحسنيين عليه السلام)
ــــــــــــــــــــــــــــــــــــــــــــــــــــ
عَزّي يشيعي المُصطفه غاب الولي == نال الشهاده المُرتضه حيدر علي
وآلام عِدْ زينب تِحِلْ == وإدموع للزهره تِهِلْ
نال الشهاده المُرتضه حيدر علي
ـــــــــــــ
ناري على حيدر علي ما تنطفي == نور الأله إلْبي يِشِع ما يختفي
نادى المَلَك هَز السمه == راح الولي حامي الحمه
نال الشهاده المُرتضه حيدر علي
ــــــــــــ
سيف الغدر بيه إنطُبَر راس الأغرْ == والدنيه صارت مظلمه غاب القمرْ
دم الشهاده من نِبَع == صوت السمه ناح إرتفع
نال الشهاده المُرتضه حيدر علي
ــــــــــــ
محرابه ناح إو بالحزن ظل مستحي == آلامه صعبه إو للأبد ما تنمحي
وإدموع من زينب جَرَنْ == مهموم ناداها الحسنْ
نال الشهاده المُرتضه حيدر علي
ـــــــــــ
بالباب زينب تنتظُر نوره إليِشِعْ == شافتْ أبوها إبهامته دم يرتفعْ
وإحسين تجري دمعته == صوت السماء السمعته
نال الشهاده المُرتضه حيدر علي
ــــــــــــ
هاليوم أيتام إبحزن ما ينتهي == فقدتْ أبوها المُرتضه إو غاب البَهي
غاب العدل وإبطبرته == أيتام ناحت نادته
نال الشهاده المُرتضه حيدر علي
ـــــــــــ
ميزان الأعمال الولي حامي الحمه == يختم حياته المُرتضه إبسيل الدمه
وإبروحته ضاع الأمل == نادوا الابي خير العمل
نال الشهاده المُرتضه حيدر علي
ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.jannatalhusain.info/2010//download.php?filename=79aec30476.mp3