الله الحياة إجعلها قدسيه = شلوث عناصرها الاساسيه
------------
أربع عناصر كالت المعرفه = رمز الحياة او كلمن بفد صفه
ماي اوهوى والنار متوظفه = كلها الهياكلنه الطينيه
------------
اول عناصر هالاربعه انجعل = عنصر الماي او هو من الازل
جا ليش هذا الماي دم ابتدل = من اجل تروه نفوس وحشيه
----------------
ثاني عناصرهاالحياة الهوى = اتوزع على كل الخليقه سوه
محد كدر يحتكره بس احتوه =9 غازات انفاس الانانيه
--------------
والنار عنصر بيه نفع بيه ضرر = وستغل هالعنصرطغات اوتتر
بيه تنشوي كامت جلود البشر = بفرن الطغاة اوطان مشويه
-------------
الله خلق هاي الثلاثه من اجل = عنصر الطين الرابع بهالحقل
ليش البعض مستنقع اصبح ضحل = او صارت الوادم شو بعوضيه
-------------
ماي الحياة يريدله تصفيه = والهوى يريد صدور متصافيه
والنار لتضل بيد كل طاغيه = والطين تنضاف اله العقليه
--------------------
كل عقل هو السيد بكل زمن = اوهو الذي يأتمر بمره البدن
او بعض العقول عليها سيطر اظن = فيروس حمتها القلاعيه
-------------------
