بسم الله الرحمن الرحيم
اللهم صل على محمد وآل محمد وعجل فرجهم
مدرســـــــة الصــــادق
ـــــــــــــــــــــــــــــــ
مدرسة للدين جعفر والعِلِمْ == بالسماحه والمعالي والحِلِمْ
ــــــــــــــــــ
مدرسة أخلاق هذا إبن النبي == ما طُفَه نوره أبد ما يختبي
للحضاره صار رائدها الأبي == بالسمه العالي ظهر أسطع نجمْ
ــــــ
هذا أبو موسى سطع نجمه إو عِلَه == وإبعلوم الدين والدنيه إنملَه
والحقائق وضحتْ إو بيها إنجِلَه == كل أمر جعفر جلاه إو يبتسمْ
ـــــــ
يفتح الآمال جعفر والأملْ == والده الباقر زرع بيه العملْ
بالعِلِم والدين صار إلْنَه المثلْ == والهدايه من إمامي تِنْرسمْ
ـــــــ
مدرسة جعفر حوتْ كل العلومْ == طب إو طبيعه وإعتله إبعلم النجومْ
ما سلم جعفر قضه إبْسِم السمومْ == وإبمصابه كل أملنه يِنْثِلمْ
ـــــــ
عزّوا ياشيعه الأمام المنتظرْ == بالتقي جعفر إبن ذاك الأغرْ
ظلمتْ الدنيه إو بقه الدين إبخطرْ == والسَعَه إلقتل الولي نال الأثمْ
ـــــــ
ندبوا ياشيعه الأمام المعتلي == هذا إبن خير العمل حيدر علي
جعفر الصادق ولي وأعظم ولي == كُل مُحِب نال إبزهو منّه الأسمْ
ــــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود علي الهلالي
على الرابط التالي
http://www.wlidk.net/dldo1f42815.mp3.html