يانبي الرحمه خانت امتك .... صابت ابشره صادق عترتك

يانبي الرحمه خانت امتك ........ صابت ابشره صادق عترتك
ضنه تمحي فكرتك

خانت الامه يالنبي المختار
يارسول الله وبدو بالكرار
وللحسن صابت جبدته الاشرار
وخيم عايلتك يوجوه بنار
وصلت الحاله تضرب بضعنك ........ لان ذكرت الناس اوصيتك
ابعلي حيدر مهجتك

　
وبعلي السجاد شوف شنهو الصار
اتيسره بالطف بلا رحم اشرار
بالمرض مشدوه اطفال عنده ازغار
والحرم هجت من سعير النار
شننتضر من اميه السمتك ........ هاي اشرار اميه خانتك
وخانت الله الثبتك

　
ولبو صادقنه الباقر المضلوم
يارسول الله اعليه كَضو بسموم
جوله الأشرار ويومهم معلوم
الحق اله جولات بالضهور ادوم
ننتظر ياحجة الله طلعتك ........ دوم نذكره والله قصتك
تملي عدل ابقوتك

يارسول الله نطلب احنه الثار
من نواصبه وكَومه الفجار
والعلي حيدر البابه تلهب نار
وهاي سامره فجروه اشرار
وتالي هدموه هاذي كَبتك ........ حرمة الهادي هيه حرمتك
اتكَول احنه صحبتك

بالبقيع اكَبور تزهي جالاقمار
تريد تخفيه زمرت الأشرار
لأن ينتسبون لحيدر الكرار
ذاك اخو الهادي المصطفه المختار
لئن ذلت قريش ابجيتك ........ ماكفاه ابد من سمتك
وناصبيته العترتك

ساعه تتحجج علينه من نزور
الكَبر جعفرنه نقدم احنه انذور
تكَول دون الله تعبدون اكَبور
لامعاذ الله والنفخ بالصور
نعبدك ربي جلت قدرتك ........ اعبادك احنه ونضل ابطاعتك
فوكَـ كل شي محبتك

من بني اميه وشر بني العباس
الذنب عفن ترى من الراس
من سقيفتهم الشر بده من الساس
ابد مابيه خير ذيج الناس
ابد مايقنته ارسالتك ........ لئن جم مره هيه غدرتك
وبأحده جرحتك

　
شاعر اهل البيت ( ع )
محمد عبد الزهره النجفي

السلام عليكم ورحمة الله وبركاته ,,
أحسنت وطيب الله انفاسك شاعرنا الفاضل ..وعظم الله لكم الأجر ,.
رائعة جدا,

السلام عليكم ورحمة الله

بوركت جهودكم أخي ... موفقين أن شاء الله

حياكم الله
وشكرا لكم على مروركم الجميل