قلبي بلا والي..خيلك رجع خالي..يا حسين يا لغالي
منشغل بالي..أعد الليالي..ما تعود ياظلالي
تصيح عيالي..ما شوف رجالي..كاعده لحالي
تتقطع أوصالي..وسكوتي لساني..اتمنه زوالي
نارك ولا نار الخيم أصليها تالي
اطفالك تصيح وتتراكض اقبالي
انت كافلها تروح تخليها تلجالي
ما عندي غير الدمع انزله همالِ
من راسهم امسحه يبّدِي زلزالي
ما يصير تتركهم صغار انفطر دلالي
هموم اشربها شرب هاي احوالي
اتجرع نياحة وحزن والظلم اشكالِ
عندهم أسيرة يالولي شلون ترضا لي
خلني مكتومه اصيح مربوط حبالي
مظلومه وغير أحلامك ما عندي نومه
اشوفك وصورتك في حشاي مسهومه
ما تغيب عني بسمتك في القلب مرسومه
اصفي عليها ابحلامي واضمها ملمومه
احجي وانا اللي جنت عند اهلي محشومه
شوف جدك محمد اشسوت اخصومه
بالدم غرقتني ويومي ما ينجلي غيومه
سموني بسهم الحقد في القلب مسمومه
وقفت في الغبره اتذكر ليلتي المشؤمه
يوم اتودع الأحباب بشفاك المضمومه
منظر خله السهر لعيوني مديمومه
ليش ربي ما عجل يومي قبل يومه
جفاني الدهر وبعباس يهنيني
شب ناره في احشاي يشويني
طيح قربته وابها المنظر يسليني
يمنته توسدها وحال بينه وبيني
ابو فاضل السهم مو بعينك ابعيني
يصوبني من اشوفن اطفالك توصيني
يمه لايخليني.. اخذيني ليه اخذيني
صغيرة ابسني حمليني ليه حمليني
وبلوة افراقه أمي لا تورطيني
عيوني اتذبلت وبهالحاله لاتركيني
ابو الفضل وين النعش---- وين الجنازة وين الحضور
قال يمنيتي وشملتي------ نعشي ابقلبج المكسور
وابدمي اتغسل وما يروي---- ضما الغسال ابحور
و العمود ابضربته يشيعني----- و يدفني في القبور
يسموني ساقي العطاشى..--ومن العطش بنيت اقصور
وادري يازينب طيحتي خله...ليليج مو سنه يمربس ادهور
تدرين ابو اليمه حبه جنني...وناره ابقلبي ما تنطفي اتثور
اشوف صورته تنطق ابكفي...علامه ومنها آخذ النور
يا حادي الضعن وقف النوق
اريد اتمرغ بجثة المعشوق
وانتي يا سكنه نزلي من فوق
حاجيه وشقي الجيب اشقوق
نزلت واتعلقت بالجسد اعلوق
غطست ابدمه وقبلت العروق
والسمه شافتها وغيمت بروق
وعليها الاملاك التفت شفوق
تعتب عليه والجسد مرهوق
من ضرب السياط اتفتق افتوق
تكله الاسر زاد قلبي احروق
يلفون ابنه من سوق الى سوق
وبالراح اتستر من عين الخلوق
نادت الاطفال ودونه المدينه
عمه يا زينب شوفي يا حزينه
نور النبي فوق الرمح وش زينه
هذا راس احسين لو محمد رافعينه
قالت الحوره للشام وصيه لازم انروح
وصية جدي محمد يا أغلى من الروح
ويا العليل وزنده بالقيد ينجرح اجروح
ونقول قصة والدي المسلب المذبوح
وانصب دمعنه وفاطمة ويانه اتنوح
