قصيدة في ذكرى إستشهاد الإمام علي عليهِ السلام

سفانه وبنص الليل * ياوسفه غاب الكَمر
وظلت سفينتنه إتموج * ظلمه وصعد ليها الروج
يا وسفه غاب الكَمر
***
مات النبي وسلّم إلك رايته
أنت الوصي بعده وتقود أمّته
تفدي العقيده إبدمك إبغيبته
يدري أنت توفي الوعد * حر وتصون العهد
إبيوم الغدير المختار * سلّمك هذا الأمر
والميت ألف كلهه تشوف * مو بالسر إعلى المكشوف
يا وسفه غاب الكَمر
***
كل الصحابه الشهدوا إبيعتك
إنت الإمام وما تذل رايتك
ردت الكرامه والهنه لأمتك
مو منصب ولا حكم * غايتك محو الظلم
ردت العدل والإنصاف * بين البشر ينتشر
تاليها عُباد المال * خانوا عهدهم بالحال
ياوسفه غاب الكَمر
***
تخسه العواصف ما تهز الجبل
ويخسه الظلام إيطفي نور الأمل
وتخسه السقيفه ويخسه كل الدجل
شنوّا عليك الحرب * بالفتنه همّه السبب
صاروا حطب للنيران * والنار من تستعر
تشوي الحِرف درب الدين * وچذب حديث الثقلين
ياوسفه غاب الكَمر
***
التاريخ إلك يشهد يبو المكرمه
وإسمك يظل طول الدهر ملحمه
وشاهد بعد عندك ضلع فاطمه
ويوم الغدير إوفدك * إشهود كلهم إلك
شاهدنه مو شاهد زور * صادق إبنقل الخبر
شاهدكم إنتم چذاب * يشهدله بسمار الباب
ياوسفه غاب الكَمر
***
وأكثر بعد من اللي صار وجره
إبمحرابه يوكَع بالصلاة حيدره
ودم هامته يسيل إعلى وجه الثره
وناده الملك بالسمه * يا وسفه حامي الحمه
إبشهر الصيام الكرار * يغتاله سيف الغدر
إبمحرابه حيدر مطروح * والكوفه ضجّت بالنوح
ياوسفه غاب الكَمر
***
سيف المرادي من طبر هامتك
ودم الشهادة البيه صبغ شيبتك
ليوم القيامه إيظل جرح شيعتك
بالروح يبقه الألم * ولا منّه واحد سلم
وجرح الذي إيصيب الروح * ميفيده غير الصبر
نصبر ولو مل وإحتار * حتى الصبر يا كرار
ياوسفه غاب الكَمر
***
تخسه الحياة بلايه دين وفكر
وعمر الذي يكَضي إبجهل مو عمر
بالدنيه ميّت بس يعوزه الكَبر
إتشوفه هيبه وضخم * لا منطق ولا علم
إمكيف وعنده فلوس * حسباله هذا النصر
بس عقله فارغ مسكين * لا علم عنده ولا دين
ياوسفه غاب الكَمر
***
واقعنه هذا وهذا حال البشر
جبناه بدينه ومو قضاء وقدر
ياهو اللي ما يعرف طريق الخطر
بس نشتهي ونستحي * والخجل من ينتهي
واحدنه يتحول ذيب * حيله وخديعه ومكر
ينشغل بالقيل وقال * للغيبه صاير حمّال
ياوسفه غاب الكَمر
م
ن
ق
و
ل

بارك الله فيكم ...وعظم لكم الاجر

بارك الله بكم
وعظم الله أجورنا وأجوركم بذكرى استشهاد إمام المتقين وقائد الغر المحجلين الإمام علي عليه السلام

هلا وسهلا بكم
منورين الموضوع بمروركم الكريم

سلمت اناملكي على جميل ما نقلتي لنا

جزاك الله خيرا

شكرا عالمرور العطر