عتاب من أمرأة عراقية كلها وفاء لزوجها المتمرد

عتاب من أمرأة عراقية كلها وفاء لزوجها المتمرد


السلام عليكم

عتاب من امرأة عراقية كلها وفاء لزوجها المتمرد
بعد شتريد اسويلك
اصيرن شمعة وضويلك
بعد شتريد اسويلك
ابوك بشوش* واشويلك
نسيت شچنت اطبخلك وشچنت آنة احش
وبالصالون اذب آلاف حتى بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك
واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك
ومن اطلع اشتري خضورات تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
واليوم....اجيت إلي ندمان تطلب سماحي وتتوسل اجيلك
تقشمرني بكلمة احبچ
من حبتك حية بعد ما يعبر علي فيلك*
شحسبالك احنة بالمكسيك؟
لو انتة بمدبلج وتتفنن بتمثيلك
ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك
اقتباس:
*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك: كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول
منقول

شكرا اخي جرح العراق

لا والله؟؟
على اساس النسوان كلشي يسون والزلم تكعد وبس تاكل وتشرب
زين منو يكعد عالنت؟؟؟ منو يسخت عالتلفزيون ؟؟منو يكضيها نووم؟؟ منو يلغي من الصبح لليل ؟؟ منو يثرم براسك بصل بس تنطي راي؟؟ منو ياخذ فلوسك؟؟منو ياكل من وراك ومن كدامك؟؟؟منو يروح كل يوم للدكتور والدكتوره؟؟؟؟؟؟؟؟؟؟؟
منو يشتري ذهب؟؟؟؟؟؟؟ها؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منو يجيب بانزين للمولده؟؟؟ منو يجيب مي؟؟؟ منو يجيب غاز؟؟؟؟ منو يصرف عالبيت؟؟ منو يوديكم الصبح للدوام وهو يتاخر؟؟؟؟ منو يكعد جوه السياره اذا عطلت؟؟؟
واخيرا وليس اخرا اذا طلعتوا للسوك منو يزق الفلوس؟؟؟ مو الرجال
تحياتي لميماتي

ههههههههههههه

لتصير عصبي نيو
القصيده فقط للترفيه
والقصيده فقط للزوج المتمرد وليس للكل
شكرا على المرور

لا والله مو عصبي
بس هاي الحقيقه
وهو هذا الواقع

ههههههههههههه


القصيدة حلوة والترجمة بعد احلى

عاشت ايدج بنوته

شكرا لمرورك ورده