رحيم الحسناوي
شاعر مميز
عدد المساهمات : 25
تاريخ الميلاد : 29/09/1976
العمر : 47
العمل/الترفيه : طالب
نقاط : 10259
السٌّمعَة : 0
تاريخ التسجيل : 11/05/2010
 | | موضوع: البرنامج الكامل لليوم السادس من محرم (للرواديد) 24/11/2010, 7:39 am | |
| اللهم صل على محمد وعلى ال بيت محمد الطيبين الطاهرين
البرنامج الكامل لليوم السادس من محرم للرواديد
ابوذيات نعي
ــــــــــــــــــــــــــــــــــ
ابو الغيره فخر لاهله وجوده
العرب تعرف كراماته وجوده
العلم ما فارك يمينه وجوده
نحب لعيون سكنه وجور اميه
اشوف الموت خوواني ولمهم
يدكك حشاي منحرهم ولمهم
يتامى حسين شيلمني ولمهم
صفو مابين نيران المنيه
عيالك يالطهر حالك ويرهم
بحبل شد حرمله اطفالك ويرهم
صرت بس الهضم حالي ويرهم
واهيل دموع للراح من اديه
الكدر روحي ضوه وخووه طفلهه
ولا ضننت تناطرهه طفلهه
خذت من ام علي الاصغر طفلهه
وتجاره دموم بسهام المنيه
لطميه
ـــــــــــــــــــــــــــــــــــــ
اولادك يا مسلم بالبر ... مرعوبين من اهل المنكر
بيت موججر ... وحشود الشر
وحسين على الغبره مطببر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
اولادك يا مسلم راحوا ... بالهيمه ولاجل اهلك ناحوا
محد ينغر ... وحشود الشر
وحسين على الغبره مطببر
غدرت بيهم كوم الكوفه ... وزينب بكيود ومجتوفه
فوك المنحر ... وحشود الشر
وحسين على الغبره مطببر
وسكينه التصرخ يالساجي ... المن قلبي يصد ويناجي
جففه توذذر ... وحشود الشر
وحسين على الغبره مطببر
شببان تون بارض الحومه ... واطفال تنوح ومهضومه
ودم الاكبر ... وحشود الشر
وحسين على الغبره مطببر
زينب حركو كل خيمهه ... بالطف كون الوالد يمهه
حيدر يحضر ... وحشود الشر
وحسين على الغبره مطببر
لطميه , ثكيل
ـــــــــــــــــــــــــــــــــــــــــ
بطل عباس ابو الغيره .. بطل عباس ........... يرفعة راس ابو الغيره .. بطل عباس
فقم بلواك لا تهتم ............ وانت الفارس الاعظم
وخير الناس ......... بطل عباس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
يخويه انته السند يالحادي والوالي ... يحيلي وراية الله ومهجتي وجالي
تشوف عيونك النوح وتصد حالي ... صفه البيت من الاكبر والاهل خالي
اميه ديون تطلبني .. اميه ديون .............. صعبهه يهون بحماتك .. صعبهه يهون
فخيل يزيد لا ترحم ... وانت الفارس الاعظم
وخير الناس ... بطل عباس
مشيت بصاية الله وراية البيدك ... تريد حسين اميه ودمه وتريدك
نخيت من الفرات الخالق يعيدك ... ويهل عيد الضمايه وفرحتي بعيدك
اريد الماي ياخويه .. اريد الماي ............. يزيد بجاي مبجاهم .. يزيد بجاي
ارى موتاا لنا اقدم ... وانت الفارس الاعظم
وخير الناس ... بطل عباس
يتامه التنطرك نار وضمه البيهه ... تضوك الماي بيدك وانته ترويهه
تحاجيك العلت صرختهه حاجيهه ... عزيزة قلب ابو الاكبر تواسيهه
ولتنه الكوم والعسكر .. ولتنه الكوم ........... هضم وهموم هد حيلي .. هضم وهموم
كان الدين قد يهدم ... وانت الفارس الاعظم
وخير الناس ... بطل عباس
تهيد بلا اهل روحي شيهودهه ... ومصايب زينب التاذي شيعددهه
يحيدر بالقلب جلمه ويرددهه ... الغريبه بلا ولي وحامي اليساندهه
جرعت هموم من زغري .. جرعت هموم ........... سكم ودموم من دهري .. سكم ودموم
فااهات الاسى تكتم ... وانت الفارس الاعظم
وخير الناس ... بطل عباس
اريدك تعتني لماي الفرات اليوم ... وتصد خيل العدى وتتكاون ويه الكوم
انه ادري مكدرات النايبات تحوم ... وجيوش اهل الضغاين للخيام تروم
فداك الروح وسنيني .. فداك الروح ........... علل وجروح تاذيني .. علل وجروح
فحزني ها هنا يرسم ... وانت الفارس الاعظم
وخير الناس ... بطل عباس
نزله
ــــــــــــــــ
حسين نايم عالثره ... وين حيدر وينه
خل يجي يشيل الجفوف وياخذ الثار
ــــــــــــــــــــــــــــــــــــــــــــــــــ ــــــــــــــــ
وينه صككار الفحول ووينه قالع خيبره .. يحضر لشاطي الفرات وينعى سبع الكنطره
وينه صككار الزلم ... خل يشوف بعينه
وينه جففال اليتامه وحامي الجار
ياعلي وهاي اليتامه من الضمه تنوح وتصيح .. والشبول على الوطيه وهذه ابو الاكبر طريح
والجفيل على النهر ... سهم اميه بعينه
والخيم صارت تلوج وتلهب بنار
دارت على اهلك يحيدر دنيا بسهام ورماح .. واهلك تنادي وتكببر للجهاد وللفلاح
الدنيا صاحت يا علي ... انته بس والينه
انغر لزينب يصل تفديك الاعمار
طاحت جفوف الجفيل على الشريعه مكططعه .. ومن دنت زينب لخوهه بس ونينه تسمعه
ون على سكينه البطل ... والحرم والينه
ون على الدارت عليهه جيوش الاشرار
ضل على تراب الوطيه حسينك وفوك الثره .. ما حصل واحد من اهله يداوي نزفه ويحضره
ضل يجود ابن النبي ... ويفدي روحه لدينه
وما دنك هامه وتهزهز للجره وصار
رحيم الحسناوي
| |
|
بنت السعوديه
أدارة المنتدى
عدد المساهمات : 7647
تاريخ الميلاد : 16/06/1989
العمر : 34
الموقع : في قلب منتداي الحبيب
العمل/الترفيه : طالبة
المزاج : حزينه
نقاط : 21028
السٌّمعَة : 77
تاريخ التسجيل : 31/01/2009
| | موضوع: رد: البرنامج الكامل لليوم السادس من محرم (للرواديد) 24/11/2010, 7:43 am | |
| يسلمووووو على الطرح
ربي يعطيك الف الف عافيه | |
|
أكرم النجفي
المديـــــــر العــــــــام
عدد المساهمات : 4492
نقاط : 24591
السٌّمعَة : 31
تاريخ التسجيل : 26/07/2008
| | موضوع: رد: البرنامج الكامل لليوم السادس من محرم (للرواديد) 25/11/2010, 7:39 am | |
| أحسنت اخي الفاضل ونبارك كم هذه المناسبة العطرة ..
سائلين المولى عزوجل ان يثبتنا واياكم على ولاية امير المؤمنين عليه السلام ,,, | |
|
بنت النجف
أدارة المنتدى
عدد المساهمات : 1809
تاريخ الميلاد : 07/03/1986
العمر : 38
العمل/الترفيه : دكتوره
نقاط : 13320
السٌّمعَة : 37
تاريخ التسجيل : 15/09/2008
| | موضوع: رد: البرنامج الكامل لليوم السادس من محرم (للرواديد) 4/12/2010, 2:23 am | |
| | |
|
