محمد عبد الزهره النجفي
شاعر مميز
عدد المساهمات : 1123
تاريخ الميلاد : 01/07/1966
العمر : 57
العمل/الترفيه : خدمت اهل البيت(ع)
نقاط : 13463
السٌّمعَة : 23
تاريخ التسجيل : 13/12/2009
 | | موضوع: يتوجه ابن المرتضى حامي الضعينه 15/12/2010, 2:03 am | |
|
يتوجه ابن المرتضى حامي الضعينه
للنهـر وترف رايتـه وسيفه بيمينه
~***~
وينك يسبع الكَنطره وينك يعبـاس
المـاي خويه ياشهم يارفعة الراس
عطشانه اطفال وحرم ياابو النوماس
عباس ابن حيدر علي يشاهد ابعينه
~***~
كلسا يجي ليه طفل يسألني علماي
ياطفل كَتله للوعد عمك الوفـاي
عباس خويه يانفل ياضوه عيناي
تنتضر خويه بالخيم جيتك اسكينه
~***~
يترخص ابن المرتضى يهجم اعله الكَوم
ياخويه يحسين القلب من عندي مالوم
من حيدر الوالد علي يعرفه العلـوم
يعرف ابروحة هل شهم تنصاب عينه
~***~
من شافت ابن المرتضى ذيج الجحافل
صاحت اشردو من النهر هذا ابو فاضل
مهزوم جيش ابن الدعي الكافر السافل
شاف ابن حيدر كَام يحصـدهه بيمينه
~***~
ابعزمه ابو فاضل ملك ماي الشريعه
لازم المـاي ايوصله لخته الـوديعه
التـاريخ يذكـر للشـهم هذا صنيعه
ويذكره امه اشوصته للأخو أيعينه
~***~
يرجع ابجوده ورايته ابن ابوالصبطين
لازم الماي ايوصله لعيـال الحسين
مابين فكـره بلخيم لـن سهم بلعين
الثانيه بغـدر العده تكَطـع يمينه
~***~
يحمل السيـف بيسرته الله وأكبر
جم فارس الي جابهه ابسيفه تكَنطر
من كَطعو ايساره ابو فاضل تحير
والكَربه صابوهه ابسهم الله يعينه
~***~
امتلك ماي المشرعه وهز رايته
حي ابو فاضل وحـي نهضته
اتعـلم الأجيال هـاذي ثورته
لسـه يتغنـي الدهـر بسنينه
~***~
من وصـل ليـه وبداهه بلنزال
هجت من المعركه اشباه الرجال
صاعقه وزلزال عاشت بالأهوال
بالبـراري تـاهت او وديـانه
~***~
كَـام يحصد بيه سبـع الكَنطره
يشبه ابصولـته الوالـد حيدره
علنهر فرسـان بـي متحيـره
وين تنطـي الوجه منهو ايعينه
~***~
جل صكَر وعله الكتايب من يحوم
هذا اخو زينب ابصولاته معلـوم
بسيفه يزكَي اعلوج اميتهه السموم
لومـه وعـد الله قسـم يفنـيه
~***~
مله الجود ونضر صوب امخيمه
ايوصل الماي ابن حماي الحمه
يدري بلخيمه الأطفال امـألمه
وعـايله للنهر تربـي عينـه
~***~
بين ماعل الحال هـذا ولـن سهم
صاب عين ابن الوصي وطاح العلم
وكَبـل عينه كَطعو ايمينه الشـهم
ان كَطـعتو اليمنه احمـي دينه
~***~
من بعد يمنته كَطعـوهه الشمـال
ضعف حيل ابن الولي من المهر مال
بلغ صوتـه الخيـم سلم عل العيال
بلـغ ذاك الصوت سمـع احسينه
~***~
يسمع حسين ابو اليمه صيحته
للنهر كَاصـد ابذيـج روحته
رغم كل هاي الجروح الصابته
يكَله خويه مستحي من سكينه
~***~
شاعر اهل البيت (ع)
محمد عبد الزهره النجفي
2011/1432
عدل سابقا من قبل محمد عبد الزهره النجفي في 15/12/2010, 9:02 am عدل 1 مرات | |
|
عاشقة النجف
مشرفة عامة
عدد المساهمات : 1669
تاريخ الميلاد : 18/04/1990
العمر : 34
العمل/الترفيه : طالبه
المزاج : حزيييييييييييييين
نقاط : 12665
السٌّمعَة : 5
تاريخ التسجيل : 12/06/2009
| | موضوع: رد: يتوجه ابن المرتضى حامي الضعينه 15/12/2010, 2:32 am | |
| جزاك الله خير
وبارك الله بيك كلام مئثر وجميل | |
|
محمد عبد الزهره النجفي
شاعر مميز
عدد المساهمات : 1123
تاريخ الميلاد : 01/07/1966
العمر : 57
العمل/الترفيه : خدمت اهل البيت(ع)
نقاط : 13463
السٌّمعَة : 23
تاريخ التسجيل : 13/12/2009
| | موضوع: رد: يتوجه ابن المرتضى حامي الضعينه 15/12/2010, 9:03 am | |
| حياج الله اختي الكريمه عاشقة النجف
وعظم الله اجوركم | |
|
