عدد المساهمات : 1123تاريخ الميلاد : 01/07/1966العمر : 57العمل/الترفيه : خدمت اهل البيت(ع)نقاط : 13479السٌّمعَة : 23تاريخ التسجيل : 13/12/2009
موضوع: زينب ياكرار .... تحجيلك اشصار 21/12/2010, 12:06 am
زينب ياكرار .... تحجيلك اشصار عالنهر عفت العباس .... وعضيده مكَطوع الراس من فعل الأشرار .... تحجيلك اشصار ***** يابويه من رحت وشفت جسم حسين لاجرح يحمل بويه ولاجرحين جن العده يابويه تطلبنه ابدين من بدر والخندق وثارات احنين ابصفين وحزاب .... اطالبنه الأعراب ويوم الجمل ثاره اتريد .... امن حسينه اجيوش يزيد آه من الأشرار .... تحجيلك اشصار ***** وكَبل الحسين اغدرو ذاك العباس فوكَـ النهر هشمو بعامود الراس لاشرف لاغيره احملت هاي الناس لاعزه لادين افقدو كل احساس ريتك تشوفه .... اشعملت الكوفه عالنهر مطفيه العين .... مكَطوعه منه الجفين ياعلي المغوار .... تحجيلك اشصار ***** احجيلك آنه انوب عن الأكبر شبه النبي المختار بدره الأزهر شعملت ايمه بيه وشتتصور خذمت جسمه سيوفه وتوذر بسيوف وسهام .... عباد الأصنام وذرت جسمه الضلام .... والأمر من اهل الشام يذبحون الأطهار.... تحجيلك اشصار ***** وعن شبل ابو محمد القاسم هاليوم من اجه يطلب رخصته امن المضلوم متحير احسين الكَلب كله اهموم انطاه رخصته عمه ينازل هالكَوم كل هذا الإيمان .... اتعجبت الفرسان من عنده اهل الميدان .... فرت الصوب الوديان حست بالأخطار .... تحجيلك اشصار ***** ماقصرو اصحاب ابو اليمه اكرام بجسادهم كَامو يحامون اخيام وقسمو قسم تنتقم من الضلام وتنصر ابن من اجه ابدين الإسلام والنعم منه .... تمشي الأجله مافكرت لا بالموت .... هددت ابن الطاغوت ابطال الأنصار .... تحجيلك اشصار ***** من بعد ماذبحو اخوتي الأبرار وذبحو وياهم صفوه من الأنصار يابويه والكل خيمه وجوهه ابنار والحرم هجت بويه واطفال اصغار آمـر نذلـهم .... جابــو هزلـهم من بعد سحك الأجساد .... بياحاله صار السجاد يندب يمختار.... تحجيلك اشصار *****
يابويه كَامو يدوسون ايتام جن مو محمد جدنه اسس اسلام مانسو اصحاب السقيفه الأصنام خلهم ابغيهم يعيشون باوهام ياطـــه جدنه .... محد نجدنــــه ودونه يم ابن زياد.... اولنه طب السجاد شرفه للدار.... تحجيلك اشصار ***** شاعر اهل البيت (ع) محمد عبد الزهره النجفي