محمد عبد الزهره النجفي شاعر مميز
عدد المساهمات : 1123 تاريخ الميلاد : 01/07/1966 العمر : 57 العمل/الترفيه : خدمت اهل البيت(ع) نقاط : 13501 السٌّمعَة : 23 تاريخ التسجيل : 13/12/2009
| موضوع: هاك اخذ صرختي .... بويه ياعزتي 17/12/2010, 6:21 am | |
|
هاك اخذ صرختي.... بويه ياعزتي الأخوه فوكَـ الثره.... بالدمه امعفره بويه ياعزتي ~***~ يابويه كـل اخوتي خلصو جتل ماسلم مـن اخوتـي حتى الطفل عل الغبره ابو الأكبر اخويه النفل ارتكبت اميـه اليوم ابشـع فعل تذبح ابن الأبه .... وتحركَـ ابخيميتى أنه ام الخدر .... تالي اصير ابيسر بويه ياعزتي ~***~ عباس بويه طاح فوكَـ النهر الجفين مكَطوعات راسه انطبر من شافه ابو الأكبر يبويه انكسر منه الظهر حسينه احنـه بخطر من طحت يالأخو.... بينـت ذليتـي وينه حامـي الظعن.... يردني لرض الوطن بويه ياعزتي ~***~ بويه شبيه النبـي جسمه وذر اسيوف العده خذمت حتى النحر ياعلي شحجيلك بعد مـن صّور جم طفـل مات ومابقـاله أثر اتسحكَه خيل العده.... وترجـع العيلتي لا يفـارس بدر.... المايضمك كَبر بويه ياعزتي ~***~ وجسام يـاحيدر يفـارس بدر حرمته اسيوف الكَوم بويه العمر يابويـه اخذو امه تالـي ابيسر وبجسمه بويه اتشوف طعن وطبر من بعد هل جره .... انظـر الحـالتي لااهـل لاخدر.... عبرتي بلصدر بويه ياعزتي ~***~ يابويه حتى انصارنه ابكربله يابويه ضحت دون هل العايله عرفت يحيدر هل الحرب عادله عزه وكرامه انشوف اهل مرجله تفدي ابن الوصي.... وخيمتي وعزتي راحت اهل الشيم.... وعشنه بويه ابألم بويه ياعزتي ~***~ عايلة ورضعان البكَت ياعلي الأخوه عندي ولابكَالي ولي وخيامي نار اموجره تصطلي وِالي بكَه وجعان من كل هلي بالمرض ممتحن.... هـذا ياحسرتـي المـن اكَصد بعد.... من بعد هل الشدد بويه ياعزتي ~***~ من بعد هذا الصار شوف الجره بالبر تهيم اطفالـي ياحيدره والخيم تسعر نـارهه اموجره والخيل صدر ابن امي اتكسره بالحوافر غدة .... اتهشم ابعزتي آه يغدر الـدهر.... كافلي اعله النهر بويه ياعزتي ~***~ النزله ~***~
بعد كل هذا الـذي علينه جره صدر ابو الأكبر الخيل اتكسره ادوس كَامت علجساد الطاهره ارتكبت ابشع فعل يـاوالينه ~***~ بعد ماعلعـايله حركَت خيـام فرت الأطفـال بويه بالضلام هايمه اعله وجوهه هاي الأيتام بالبراري الخيـل تسحكَـ بينه ~***~ كَمت أجمع بويه اطفـال وحرم شفت بويه اطفال مذبوحه ابسهم وين كافل ضعني شيـال العلم وين ابوفـاضل يكَـوم ايعينه ~***~ آنـه زينـب ياعلـي ام الخدر ياعلـي تقبـل اروحـن باليسر شلون تقبل بويه اصير آنه بعسر اوالدي حامـي الحمه ايسمونه ~***~ يحركَون اخيام ياحامي الحمه ويروعون ابنات امنه فاطمه الكَوم ماعدهه شرف لامكرمه تالـي للكـوفه بيسر اخذونه ~***~ اتكَول موجدنه النبي سيد البشر ولا ابونه المرتضى فارس مضر ابقصره ابن مرجانه اعلينه جسر يعتدي ابجهله اعله راس حسينه ~***~ يعتـدي بن زياد ابـن الكافره علـى زينب بت علينه حيدره وين اخويه اليوم سبع الكَنطره آيأدب ابسيفه ابـن مرجـانه ~***~ والأشد جانو يحرسونـه العبيد بالأيتـام وعـايله طرت البيد دخلونه بويه عل المجرم ايزيد كَـام يشتم بالوصـي كرارنه ~***~ بويه رادو فاطمه بنـت الحسين اتصير عدهم خادمه ونكرو الدين بـت علـي ردت والله اليعيـن هـذا ميكـون الـه تنكر دينه ~***~ رد علي السجاد ابن المصطفه آنه ابن حيدر علينه المرتضه آنه ابن الذي انذبح مـن الكَفه وعمـي العبـاس وتعرفونه ~***~ عرفت الناس الذي متـوهمه هذا ابن الي انعرج بيه للسمه هذا مـن الدين منه المكرمه لعنت النـاس النـذل وسنينه ~***~ شاعر اهل البيت (ع) محمد عبد الزهره النجفي 2010/2011
| |
|
عاشقة النجف مشرفة عامة
عدد المساهمات : 1669 تاريخ الميلاد : 18/04/1990 العمر : 34 العمل/الترفيه : طالبه المزاج : حزيييييييييييييين نقاط : 12703 السٌّمعَة : 5 تاريخ التسجيل : 12/06/2009
| موضوع: رد: هاك اخذ صرختي .... بويه ياعزتي 17/12/2010, 6:42 am | |
| بارك الله فيك يا شاعر اهل البيت عليهم السلام اعزك الله | |
|
محمد عبد الزهره النجفي شاعر مميز
عدد المساهمات : 1123 تاريخ الميلاد : 01/07/1966 العمر : 57 العمل/الترفيه : خدمت اهل البيت(ع) نقاط : 13501 السٌّمعَة : 23 تاريخ التسجيل : 13/12/2009
| موضوع: رد: هاك اخذ صرختي .... بويه ياعزتي 17/12/2010, 7:16 am | |
| | |
|
سيد محمد شــــاعر
عدد المساهمات : 121 تاريخ الميلاد : 05/02/1975 العمر : 49 العمل/الترفيه : موظف نقاط : 10161 السٌّمعَة : 6 تاريخ التسجيل : 25/09/2010
| موضوع: رد: هاك اخذ صرختي .... بويه ياعزتي 17/12/2010, 5:44 pm | |
| احسنت وجزاك الله خير الجزاء وطيب الله انفاسك | |
|
محمد عبد الزهره النجفي شاعر مميز
عدد المساهمات : 1123 تاريخ الميلاد : 01/07/1966 العمر : 57 العمل/الترفيه : خدمت اهل البيت(ع) نقاط : 13501 السٌّمعَة : 23 تاريخ التسجيل : 13/12/2009
| موضوع: رد: هاك اخذ صرختي .... بويه ياعزتي 18/12/2010, 7:39 am | |
| حياكم الله وعظم الله لكم الاجر | |
|