لانمتلك غير الانتظار
*********************
راية جهاد ك تنظر === بالصبر موعوده
من يوم الغياب === والعدل عالباب
يتنسم اخبار الفرج === والباب مسدوده
**********
بكهف الحياة المظلم دريت
مصباحنه مابيه بعد زيت
انته سحابة نور ضويت
جا ليش خلف الافق ضليت
من زمان مشتول الامل === شو مافرع عوده
لامزنه ترويه=== اوزراعه تانيه
عينه على باب السمه=== والباب مسدوده
**************8
أيوب لاتعتقد موجود
وبصبره نتنه إيخضر العود
لا عدنه يالمنتظر داوود
يصنع دروع إيفصم قيود
من غير داود الزمن=== شيفصم قيوده
عدنه أمل عود=== ننتظر موعود
والأمل قلعه إمسوره=== والباب مسدوده
************
إمسح بنورك جبهة الليل
يلرايتك جنحان جبريل
كعبه العقيده اوداسها الفيل
جا وينها طيور الأبابيل
خترفرف طيور النصر=== عالفيل وجنوده
والله اعله العيون=== ماضلت جفون
كلسا إتد ك باب الفجر=== والباب مسدوده
**********
يونس بتسبيحه إقذفه الحوت
ونته الطلعتك ماكو كل صوت
جن صار جمر الصبر ياقوت
والحك كلت يضعف اوميموت
ناكة الحك إعله الارض=== بس جثه ممدوده
ياصالح تشوف=== بعيونها الخوف
تتفكر الكتر اللحد === والباب مسدوده
**********
غربل الدنيه شبيها أعمال
ماتجد بيدك سوى الغربال
برض التمني تصيح الأجيال
مهر العداله يريد خيال
مهر العداله بمربطه === إتململ من وجوده
هالمهر مظلوم === يصهل بكل يوم
أطلع منين اليادرب === والباب مسدوده
**********
طب كربله لحسين تلكاه
بعطر الخلود يفوح مثواه
أوكف على التل صيح جداه
هكذا ينمو الكان لله
رغم العواصف والزمن=== ضل مرتفع طوده
اومن تنظر بعيد=== تنشد على يزيد
بسرداب عاره مختفي=== والباب مسدوده
***********
تنتظرك إباب المجد عين
دمها ضوت بيه نهضة حسين
لاتنشد إعله الرايه جا وين
مناير شرف صارت الجفين
كلب الوفه ضل مرتوي=== لليوم من جوده
مو شافت الناس === بجفوفه عباس
حنه اوختم باب الوفه=== والباب مسدوده
**************
راية بدر بضلالها الخير
اوخيمة عداله بكربله تصير
تلكه إعله غصن النصر فد طير
إيغردلك بآية التطهير
عبدالله تلكاه ينتظر=== والدم على خدوده
إيكلك إلى الآن=== والله عطشان
عيني على نهر الصبر=== والباب مسدوده
************
