مابعت الصدر ...ماساوميته بمال..

مابعت الصدر ....... ماساوميته بمال ..... بعدني عله الثبات وما اود غيره ..

الديره التمتلك .. مثل الصدر وحسين .. ماممكن ابد .. تنباع ها لديره ..

وماعفت .. الوطن .. لا خفت من هدام .. وعلي البعث .. تشهد تقاريره ..

الوطن يعني ..كرامه وغيرة العباس .. والعاف الوطن ..مايمتلك غيره ..

ماعاف الصدر هذا الوطن هيهات ..لبس جفن الشهاده .. وضح تفسيره ..

الجفن يعني .. الممات واجه الطاغوت ..وصار بهالجفن ..موطنه تحريره ..

ياصدر الكرامه .. وهيبة الكرار .. ياروح الحسين .. الحاوي تفكيره ..

ياوكفة محمد .. من وكف للدين.. شك جفن الظلام .. وخط معاييره ..

السيد وحده .. ويدافع عله الدين .. وعدائه اليهود .. اتريد تكفيره ..

حفروا بير .. رادو هو بس ايطيح .. وجره عكس المخطط .. وطاحو ابيره ..

الماحبك صدرنه .. مايشوف الخير .. وحنطته بل نهايه .. تاكل اشعيره ..

من مثل الصدر .. بالصبر شد احزام .. وشاف الضيم .. كله وبجه ايوبه ..

ومنو مثل الصدر.. للدنيه ماطخ راس .. لحد ما منه جزعت .. صاحة التوبه ..

ومنو مثل الصدر .. والي عله هاي الناس .. ويامرجع المثله .. عباته مثقوبه ..

ومنو مثل الصدر .. يتواضع الباري .. وانه بعيني شفت .. ممزوك جاروبه ..

ومنو مثل الصدر .. يمتلك هيج اخلاق .. مثل حيدر علي .. ويركع بثوبه ..

ومنو مثل الصدر .. فاتح مضيفه حسين .. وميرد الفقير .. وينطي مطلوبه ..

ياحوبة الحوزه .. وشارة العباس .. اشكثر عندالله .. ياسيد الك حوبه ..

يل فكدك علينه .. يهيج الاهات .. فقط بس بالصور .. شوفتك مكتوبه ..

مشروعك كتبته .. بدمك الي سال .. كل فكره الردته .. عند الله محسوبه ..

عدنه اعجوبه .. واحد لو صنع التاريخ .. وانت الكلمه منك .. صارت اعجوبه ..

.........وكل كلمه الكلتهه .. صارت اعجوبه .........


.... .......
الشاعر نبراس الشمري