يا قائمنا نبارك لك --- بولادتها نبارك لك
ليلتنه سعيده --- بمولد الشهيدة
شمحله هالولادة في سمانه---- صحنا بالفرح خيرة نسانه
الزهرا فاطمه راية لوانه ---- في الدنيه امرها مقتدانه
شيعتها على خطها خطانه --- مولدها أمل لينه رجانه
ليلتنه مجيدة --- شمحله هالعقيده
يا قائمنا نبارك لك --- بولادتها نبارك لك
تدري اليوم شنهو معنى السرور --- تدري اليوم منهو ينذر نذور
تدري اليوم منهو قلبه مجبور --- تدري اليوم منهو ينثر زهور
تدري اليوم منهو شعره بحور --- تدري اليوم منهو شعره مستور
قائمنه وعيده --- هاليلة جديده
يا قائمنا نبارك لك --- بولادتها نبارك لك
وياك الفرح ينجن اجنون --- بمولدها يغرد صار مفتون
مثل سيفك الى الكفار مسنون --- ثار الله وباسمها صار مزيون
من فاته فرحها صار مغبون --- ما يدري شنو سرها المكنون
أحلامي عنيده --- بالمهدي فريده
يا قائمنا نبارك لك --- بولادتها نبارك لك
اتحول القمر لشموس بالليل ---- وتركض الارض ركضات الخيل
ملهوفه ونور الكوثر سيل --- تشم نسماته ريحان وهيل
وشعاعه غطى كل نجمات سهيل --- ومنه اتكحلت بكحول الميل
أنوار وليده --- للكون قصيده
يا قائمنا نبارك لك --- بولادتها نبارك لك