يبني خنكو كل ضواي
وذبحو بصينيتي شمعه
ونجمك ال يضحك ييمه
مغنتب ومابيه لمعه
وألكمر شد نكله جاي يشيل
ضل بلا ضوه جا شنهي نفعه
والبستان ذاك مصوفر
ومسلول زرعه
ودم ضحايانه ينز بكل مظيف
ومابكت للزلم ربعه
والخبز مديوف بالدم
كلي خبز اليابس الينداف
بالدم من يجرعه
والسلف ياكل لحم موتاه يبني
مالكه الخبزه التشبعه
وذني حديثات السلف باكو كحلهن
والرمد طش وترس
كل عين وسعه
والمراجيح التغني بعيدنا
شو صارت مشانق
والحبل محد يكطعه
والمزابل حولوها النه مكابر
ويوميه الفجر توصلها دفعه
والعكارب ينكط ابكل درب سمها
وعدنا محسود التلسعه فرد لسعه
يمه اشكيلك ظلمهم
من اجينه نواجهك مصباح جمعه
جينه واحدنا يتطوه
الريح لو هبت تدفعه
ويم سجنهم صارت
اعلينه البنادق يبني فزعه
واحد يحط بعيني
يا يمه اصبعه
واحد ايجر شيلة اختك
راسها بشارع يفرعه
يمه ظل لابس حديدك
لاتمل منه وتنزعه
يمه جلاد السجن ساطوره جايع
كصله من زندك وشبعه
وخلي عكربهم ابداري
وكل وكت تلسعني لسعه
ماأكولن آخ منهم
لا وحك كلمن كضه
ومادله عدوانه اعله ربعه
