اويلي عل گاعد
ايجار .. طول عُمره باقي محتار
مثل البدو
يبقى رحّال .. يَحكومه سِمّعونه
.................
يوميه شيّلوا
منّا .. وارجع شّيل همّ منا
والنوبه
شّيلوا منا .. وعلى هلرنه تلّكونه
.................
كُل شهر تِندگ
الباب .. وبهَلّ الدگه اصير اعصاب
چني طاوه
وبيها كَباب .. الايجار يرّدونه
.................
كُل شهر
يَزيّد الايجار .. صايرلي مثل المِنشار
والسوگ مِشتعل
بنار .. والحال انتو تُعرفونه
.................
آني موظف
بالمطار .. 300 انطي ايجار
وعندي مَها
وهِند وكَرار .. وام البيت مهمّومه
.................
اسّد اديوني
بدينّ جديد .. وكل ما انطي الدين يزيد
اظل اركض
والدرب بعيد .. بلكي بدار ُتذكرونه
ارجوكم
تسمّعونه
يحكومتنا
المَيمونه