نسيتك وعشكت غيرك ... وطاوعت روحي الخيانه
ومرمر تني وجنت اسيرك بعد شنهي شظل ورانه
وحملتني هموم غدرك.. والغدر سمم هوانه
بعد شتريد وتجيني .. تريد حبك يبقى تمثال بمجانه
لو سوالف ردت اصيرن لوتظن هجرك عمانه
شكثر مغرور واناني شحسبت ... قل مستحانه
جنت أشوفك ذيج شمس الله الجبيره التطرد الظلمه بسمانه
وجنت اشوفك نهر صافي يصب على عروك العطش بينه وروانه
وجنت اشوفك رحمة الرحمن .. ايه وماكتبهه الله بوسط جلمات وقرانه
وجنت اشوفك حلم وردي يذبل جفوف التلاوي الليل سهرانه
تالي غفله ومرنه كابوسك غدر سكت حلمنه الغافي توه وفززانه
وطشر امال العمر كلهه بثواني ... وباك فرحتنه الجبيره..وفرهدانه
وصرنه بس جروح تنزف ما رحم بينه حنانك ساعه لا جفك عرفنه وضمدانه
ولا عرفت تمر علينه .. تمرنه طيف .. تمرنه ومضه .. تمرنه لو مزنه بشتانه
تمرنه لاجن كل محبتك بينت بس جلمة انه
الله ياسيف الغدر جايمته تروى وتقتنع من دمنه وتكف عن اذانه
وهسه اجيت بكل وكاحه .. تريد نرجع للغدر بينه ونسانه
تريدنه نرد من جديد انفتك جروح ونداوي وننلجم ونشوغ لو غدرك ولانه
تريدنه نسامح يخايب كلبك شكلك كبل لا جدمك تعنانه واجانه
شحسبت ياظيم عمري وجاينه ادور رضانه
وهسه اكولنهه ابساطه حبك تغير زمانه
وكلبي حب غيرك حبيب وصار حبك خبر كانه
وبعد شتريد وتجيني .. تريد حبك يبقى ثابت ... يبقى تمثال بمجانه
روح دور ولف غيري كليبه يتحمل خيانه
ولا تجي واتكول اريدك بعد شنهي شظل ورانه...
