يامن حبج نساني الدنيا والشعر
وانتي تدرين وفاهمه شنو السبب
يامن شغلتي كل احلامي والايام
الج بكلبي نار والف كلمة عتب
اول عتب ليش تكابرين بحبج
والثاني ليش كلبج يابس مارطب
مو صبرت اوج للصبر حطب
وصرت قاموس تقراني كلمات حب العرب
يعني تخيلي حالي من اصفن وافكر بيج
واني زادي الحزن وشربي الهم والكرب
والله حته امنياتي صارت شوفتج يفلانه
وتحسرت على صوتج وهمستج طرب
الحب نعمه للانسان وآلاء
مره اكولن اصارح ومره آه لاء
وقررت احجي بقصيده وأبوذيه
مااعرف اشلون اوصفج اخاف تطلعين احلى
لان بالحلم من اشوفج شراح يصير بيه
اذن لتلوميني من ابقه مذهول صدكيني معذور
ماحبيت مثلج يا آلاء وميحتاج احلف بآيات
لان بشوفتج افضح اسراري يالجمالج مسحور
احبج واعترف كدام كل عيون البشر
واذا تردين احلف بآيات والسين والطور
واذا مترديلي جواب وتكولين احبك ياحبيبي
ماراح اموت ولا توكف حياتي بس من الكون محضور
بس سمعيني كلمة احبك وشوفي شكثر اكتبلج اشعار
واذا تردين احفر اسمج والشعر واكتبلج بالصخور
