اروى من اشوفك واترك الماي
واحس ابشوفتك جن توني شارب
حاضر سجليتك بين العيون
وابد ماسجليتك يوم غايب
ذنب حبك كتبته ابدفتر الروح
اوعن ذنب جذب ما اكول تايب
شاب اوذوبتني اعيونك السود
دكلي اشلون من انكلب شايب
مثل شمعه كضيت العمر وياك
اوج خيطك ابدمي او ابقه ذايب
اشوفك مدرسه اوبيهه انته استاذ
حلاة الروح بيها انكلب طالب
افرح من اصيرن طالب اهواك
واقبل من اصيرن بيك راسب
موجب رمش عينك لاتجي احذاي
لان كلي اصير اوياك سالب
عندك عين ماضن منهه موجود
اوحاجب فوكهه مامثله حاجب
موحكه الجسم من يرجف احذاك
اويمك لون وجهي ايصير شاحب
سهمك ماخطاني اوصحت افيه
بلا نيشان سهمك صار صايب
بلا نيشان سهمك بيه صايب
