منشار الحزن گص بيه يوم جفيت

موضوع: منشار الحزن گص بيه يوم جفيت 14/6/2011, 1:32 am

منشار الحزن گص بيه يوم جفيت
شيسوي الخشب وشبيده عالمنشار
اذا حبك ذنب واتحاسب انه عليه
ماريدن الجنه وخليني اطب النار

اكتب شريد اكتب والله اضل محتار
يل كلك قصص يا قصه احجـيهـه
وبجي يا دمع مشعوله كلبي بــنار
واذا عطشانه عيني بحبك ارويهـه

الك مشتاكة عيني اتريد ملكاك
ورادت صورة منك خاطر انظرهة
ادور بلصور ماعندي وياك
بقت بس البالي وشلون اكبرهة

مو طبعي الجذب لو كلت احبك موت
لان حبي الك ما صار من نظرة
ومو طبعي الجذب لو كلت ميت بيك
لان دونك احس مخنوك بالعبرة
وموطبعي الجذب لو كلت ما انساك
لان صورة خيالك بالكلب جمرة
ومو طبعي الجذب صدكني هايم بيك
لان حبك عذاب ونار مستعرة

اكتب شريد اكتب والله اضل محتار
يل كلك قصص يا قصه احجـيهـه
وبجي يا دمع مشعوله كلبي بــنار
واذا عطشانه عيني بحبك ارويهـه

مريض انه بسبب هجرك ,,,

وحبك فرحتي وعيدي ,,,

ماأحلم أبوسك يوم

خَلي ايدك تبوس ايدي

شاعر عاش عمره بحسرة العوز

وشاعر بالترف من عاش عمره

شوف انت الفرق مابين الاثنين

ياشاعر تحس من تقره شعره

يمي انت الوكت مالك غرض بي
خليهة على الله هية تصفة
انه من ابوسك اجيب فانوس
اعرف من ابوسك كلشي يطفة

يالرحت عني وماكلت وين كلي بيا مكان واني اجيلك
اجيك زحوف اني وكلبي وياي اطلب رحمتك واصبح دخيلك
اريدك تعفو عني وترجع وياي ما رجعك مشي بعيوني اشيلك

بــــاب العشك خل نترك المـــــــفتاح
ما اريـــــدن احــــــب لو بابي ســـــديتك
صـــــح كتــــــلك شمس بالعالي ما تلاح
بس وكعت شــــمسنه وبيدي طـــــــميتك

لمن جاي كلي وتضحك على الروح
مو كلشي نفضح مو كافي ملـــــــيتك
امنتك كلب كله مكسور كله جــــروح
تضحك على الكلب وتكله حبيــــــــتك
متحبه جذب جذاب انــــت هـــــــواي
جم مره غلطت ومـــــــسامحك جيتك

احبك واختلف حتى بسلامي وياك ما تسال عليه شلوني مالوني دشيل ايدك عليه وشوف ردي شلون ماردلك سلام اشمرلك عيوني

ماريدن احب سديت باب الشوك
وسيجت الكلب والدرب مكطوع
لا تطب بهويه ولا اسمك غير
كتلك للأبد ما تطب ممنوع [center]

تسلم الايادي والله شعر جميل

الله يسلمك اخي
منور الصفحه بمرورك العطر