قصيدة شمالك يا زمن
للشاعر حسين الشريفي
شمالك يا زمن مو زين وي الزين
من كثر المصايب راحن عيوني
درت وجهك علي وانسدت البيبان
واصحاب وهلي يا حيف باعوني
اصرخ والخناجر تاكل بروحي
يمرون اعله بابي وما يمروني
جنت اني العزيز الغالي لو مريت
وعيد يصير عدهم من يشوفوني
كبل ما اسلم اني كالو اهلا بيك
وعلى اجفوفي يدنكون ويبوسوني
يوم اللي طحت محد وصل للباب
اعاين عالربع شو ربعي عافوني
من جانت اجيوبي مترسات افلوس
بالميات وكثر جانو اصحابي
ويوم الي فرغ جيبي مشو عني
محد بالجذب مرلي ودك بابي
