الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخولالتسجيل

السلام عليكم ورحمة الله وبركاته ...

تم الانتقال للمنتدى الجديد على الرابط التالي :

http://www.alnajafi.net
للتسجيل أضغط هنا


شاطر | 
 

 اروع الابوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود الفيلي
نجفي فضي
نجفي فضي


ذكر
الجوزاء
النمر
عدد المساهمات : 320
تاريخ الميلاد : 02/06/1974
العمر : 42
العمل/الترفيه : موظف
نقاط : 6027
السٌّمعَة : 1
تاريخ التسجيل : 27/10/2009

مُساهمةموضوع: اروع الابوذيات   14/6/2011, 3:24 am

معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

2)قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

3)عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه

4)احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

5)وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه

6)حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه

7)نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية

9)يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)

10)هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه

11)غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه

12)عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

13)ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

14)روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

15)اخذ گلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه

16)حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

17)شوفني الفراگ نجوم ظهري
وگمت للشيبة اگلهابساع ظهري
ردتك يابني انته حزام ظهري
ترد العيلة لوصارت عليه

1اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه

19)انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه

20)على مودك عفت ربعي وناسي
واسد بحلوك شماتي وناسي
اذا عني غفل كلبك وناسيانه بطرواك لسه وتدري بيه


(هذه ومضات وابوذيات عسى ان تنال رضاكم )

يالشايل بخصرك كل جمال الكون *لعلى متونك شعر لو ليل متبدي
يالمعلك برمشك كل شبابي الراح*شماترمش تبوك ايام من عندي
انه بمهدي وعشت قصة غرام وياك*حلمت جن جاي اشبكك وشبكت مهدي
حدر شفتك نهر ماي الحياة يسيل*يمته ارشف شفافك وارجع بكدي
كاعد على دروبك وادي ممدودات*وناس لما درت حيبالهه مجدي
************************************************** **************
شيل الطاسه بيدك من امر بيك*حته انه من اذوب بسرعه تجمعني
وحد رموش عينك لا تحد سجين*بس عاين عليه بنظره تذبحني
الناس ابيض جفنهه وصرت عكس الناس*على فراش السهر شعرك يجفن
لاتتعب حبيبي لاتقده الثوب*اذب هدومي كلهن لو تراودني
بكثر ما كمت تفتر بالعقل خليت *حواجز حته الزمك لاتخبلني
************************************************** *************
حلو بمعنه حلوه وما نبالغ بيج*بحسنج دوروا بس مالكوا خله
محليه المدرسه وتشهد الرحله بهاي*حطيتي برحلتج ميت الف عله
خصرج سيف حاد عيون ماتت بي*يدرن بي منيه ورضن يمشله
لذالك حته اموت اعترض دربج دوم*غير لعده سيف بشدته يسله
يوم الما اشوفج بي احسه يروح *ومو من عمري اكول وفدوه الج وله
يالتوصل وزير التربيه ترجاه* خل يلغي العطل وبقصتي تكله
اذا تستمر عطله بين يوم ويوم* يعني الخل بعد مايلتقي بخله
************************************************** ****
( الابوذيات )
من شفايفك صدك وكع تين
بحبك ما اريد اوكع وكع تين
اسف وعليه يدموعي وكع تين
سراب شما اصل زايد بعدلك
احكمتني بظلم والشامت بعدلك
انه ما اريد توصلني بعدلك
هم دموع في عينك وهم بيك
مصايب بيه يمعود وهم بيك
دغش كلك طلعت انته وهم بيك
سراب شما اصل تبعد عليه
***********************
اسف خلي طلع يرضه هواني
وانه اجم عام حسبته هواني
سبب غدره عرفته هو اني
هويته وامنت فد نوب منه
وعلي ردته يمن بالشوك منه
كتله افرج طريقك ورد منا
لحد ما توصل لحد باب داراك
شجاك شمال حجي الناس داراك
انا لداريت ياهو وياي داراك
شجره وتفظل الشامت عليه
***********************
انه لمايوم هيم الضيم بجا
انه لبس خوف رب الناس بجا
الهج بالعد بالعجل بالجا
عراقي وشاده العالم عليه
عراقي وشاده العالم لاني
عزيز ودنيتك انت لاني
انه لمتاني ولمثلك لاني
عسه مانفترك وايدك بديه
عسه مانفترك والدم بالعراك
عشره ويانهر كبلك بلع راك
غشيم لكالي شعندك بالعراك
كاتله لمثلي يلزم ضهر اخيه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت السعوديه
أدارة المنتدى
أدارة المنتدى


انثى
الجوزاء
الثعبان
عدد المساهمات : 7647
تاريخ الميلاد : 16/06/1989
العمر : 27
الموقع : في قلب منتداي الحبيب
العمل/الترفيه : طالبة
المزاج : حزينه
نقاط : 15650
السٌّمعَة : 77
تاريخ التسجيل : 31/01/2009



مُساهمةموضوع: رد: اروع الابوذيات   14/6/2011, 4:28 am


************* التوقيع *************
وفقنا الله وإياكم لرفعه وتطوير هذا الصرح الطيب

يداًبيد بإذن الله


[center]
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ღعطر النجفღ
مشرفة عامة
مشرفة عامة


انثى
الميزان
الثعبان
عدد المساهمات : 4776
تاريخ الميلاد : 01/10/1989
العمر : 27
الموقع : في قلــــ احبتي ـــــوب
العمل/الترفيه : طالبة
المزاج : اني وقلبي بأنتظآر الفرج
نقاط : 12192
السٌّمعَة : 48
تاريخ التسجيل : 26/07/2010





مُساهمةموضوع: رد: اروع الابوذيات   14/6/2011, 5:30 am

عاشت ايدك ابوذيات جميلة

************* التوقيع *************


عَلمتْنيْ الحيآإآة
أًنْ أُودعَ منْ أُحـبَ فيْ صَمتْ
وعَلمتْنيْ
أًنْ أُجآملَ منْ أًكرهْ مِنْ أجلْ مَنْ أُحبْ
وعَلمتْنيْ
كَيفْ أنسى هُموُميْ وَلكِنها لَم تُعْلمِنيْ كَيْفَ اُدْآويْ جُروحيْ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://najafi.yoo7.com/
 
اروع الابوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النجفي :: القسم الأدبي :: منتدى الشعر الشعبي-
انتقل الى: