منتديات النجفي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخولالتسجيل

السلام عليكم ورحمة الله وبركاته ...

تم الانتقال للمنتدى الجديد على الرابط التالي :

http://www.alnajafi.net
للتسجيل أضغط هنا


 

 قصيده للشاعر فرات الشمري

اذهب الى الأسفل 
2 مشترك
كاتب الموضوعرسالة
محمود الفيلي
نجفي فضي
نجفي فضي



ذكر
الجوزاء
النمر
عدد المساهمات : 320
تاريخ الميلاد : 02/06/1974
العمر : 49
العمل/الترفيه : موظف
نقاط : 11361
السٌّمعَة : 1
تاريخ التسجيل : 27/10/2009

قصيده للشاعر فرات الشمري Empty
مُساهمةموضوع: قصيده للشاعر فرات الشمري   قصيده للشاعر فرات الشمري Empty16/6/2011, 4:20 am

الان اهديكم قصة تدور بين طالب في الجامعة وطالبة واستاذ
الطالب يشك ان الاستاذ سلبه محبوبته
لهذا قال عنها ( زغيره وما تعرف تحب )
هنا سنقرأ قصيدة الشاعر فرات الشمري
ورد الاستاذ عليه بقصيدة اخرى
وسنقرأ رد الطالبه

وقت ممتع أتمناه لكم







الطالب :



صغيره وما تعرف تحـــب .. ولا دغـدغ قلبها الشــــوق
هظيمة بشط هواها الروح .. ودوم معاتت اويه الموج
صغـــــــيره وحســـــرتي كبــــــيره ..
يا صاحب ما أظنها تفّل ..ولا اظن يحصد اليشتل
تصــد مــرّه وأعاتبــها .. تراضيني وترد تجفــــل
لا غلطه البدت مني .. ولا كلمه القلت عنها ولا عني
أهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه ..
صغيره وما تعرف تحب


كثيره أيام يا ناس مرت وآنا هالحاير ..
لا شوره التدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
عواذل وشت عليّ .. مثل ما وشـــت عليها ؟
لا مامش عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم يـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بي وأتل بيها
اكلة استادنا ريّض ..
يقــــول : هاي النـاس شعليها
حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــقول عليك يا استاذي .. شــريد أدعي ؟
عسنك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر
نار وبالضلع تسعر
عسى انك بيش يملذون يلن كل جلمة بالدفتر تذكرني هواهة اكثر
واذكرنهة احبنهة
وحك عيناك يا استادي وعلي الشرجي احبنهة
انخي عليك أبو حزامين لا توصل بعـــد يمها
شـــتريد انطيـــك شـــهديلك ..؟
الك قلبي وقــلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهــادي
احرم عليك حتى طبة النادي
وشحدهة وتكَلك طب
صغيرة وما تعرف تحب

اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو سـاعه اضحكت ويــاي
ولا أقدر اسقطنها إن صــدت تـريد جفـــــاي
انا منين أجيب الشهادة منين وارضي بيها هواي
وأنا حسره عليّ يا استادي شربة جاي
بس عندي قلب يا محلاه .. ألف حسره تحس بجلاه
وعندي تركه من بقايا الروح كثيره جروح وتصيح الدّاد
الخطية برقبتك يا استاد
جرحي ما يلفه ضماد .. ولا اظن قصتي على البشر تنعاد
هذي قسمتي من الله مو من واحد واعتب ..
صغيرة وما تعرف تحب




رد الاستاذ:

عيش ابخت واحجي ابخت وبوكَ ابخت مكَرود يالمالك بخت,
تركض وتتعب علولف تاليهة تكعد على التخت
صدكَ يالتنشد عليها ودمع عينك حرام يصب
صدكَ يا فلان زعطوطة صغيرة وما تعرف تحب
صغيرة ولعبت علية صغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التوالفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك عليها يصب
صدك يا فلان زعطوطة، صغيرة وما تعرف تحب
عليمن تنخة ابو حزامين وتتهد بعلي الشرجي وعلي الهادي
وتريد تحرمني غصب من طبة النادي
يا حيف عليك وانت مشورب وراهي
ويكولون الفهم عندك
ولك وين الفهم باليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الكلب مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة




رد الطالبة


جبيرة انة جبيرة.. وعندكم أنه أ صغيرة
صغير الماعرف امرة وتدابيرة
صغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر الغيرة
جبيرة انة جبيرة وعدكم صغيرة
صغير انت .. صغير وماتعرف تحب
نسيت شلون جنت اتلكَاك من تجهب
هناية لاهي وماعرفت اشلون تلهة
هناية يساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني دشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي صغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم صغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدك صغيرة


الرجوع الى أعلى الصفحة اذهب الى الأسفل
بنت السعوديه
أدارة المنتدى
أدارة المنتدى
بنت السعوديه


انثى
الجوزاء
الثعبان
عدد المساهمات : 7647
تاريخ الميلاد : 16/06/1989
العمر : 34
الموقع : في قلب منتداي الحبيب
العمل/الترفيه : طالبة
المزاج : حزينه
نقاط : 20984
السٌّمعَة : 77
تاريخ التسجيل : 31/01/2009
قصيده للشاعر فرات الشمري Fzc98428


قصيده للشاعر فرات الشمري Empty
مُساهمةموضوع: رد: قصيده للشاعر فرات الشمري   قصيده للشاعر فرات الشمري Empty16/6/2011, 7:06 am

يسلمو على الطرح الرااائع
بارك الله فيكم ... وقضى الله حوائجكم
بحق محمد وآل محمد الطيبين الطاهرين
الرجوع الى أعلى الصفحة اذهب الى الأسفل
محمود الفيلي
نجفي فضي
نجفي فضي



ذكر
الجوزاء
النمر
عدد المساهمات : 320
تاريخ الميلاد : 02/06/1974
العمر : 49
العمل/الترفيه : موظف
نقاط : 11361
السٌّمعَة : 1
تاريخ التسجيل : 27/10/2009

قصيده للشاعر فرات الشمري Empty
مُساهمةموضوع: رد: قصيده للشاعر فرات الشمري   قصيده للشاعر فرات الشمري Empty16/6/2011, 1:37 pm

وإسألت كل الشواطي ؟؟
بلكت إتجيبك سفينـــــه!!!!
ولا سفينه ... ولا قطــــار
وخَلصٌتْ عمري إنتظــــــار !!
لا قطار ولا سفينـــــــه


الرجوع الى أعلى الصفحة اذهب الى الأسفل
 
قصيده للشاعر فرات الشمري
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات النجفي :: القسم الأدبي :: منتدى الشعر الشعبي-
انتقل الى: