ميفيد حجي الالغاز وياج بعد
راح احجي فشك عليه عهد
من زمان احبج وبيج انعجب
وسويتلج بميلادج شي من العجب
دارت الايام وراحت واجت
وعليج كلبي يتحسر وعيني بجت
ضنيتج تفهمين من كتلج اني معجب
والمح لج وانتي جنه الكلام يمج محجب
الكل عليه انتبه وانتي ولا جنج
كلبج ميتحرك من واحد يحبج ؟؟
بكل سهوله عني بعدتي
رحتي وبعد ابد ما رجعتي
ضليت انه افكر ومن بعدج ضايع
كلت انساج وجربت لكن كلبي مو بايع
كلت احب غيرج وحبيت وفشلت
وانتي بعيده وانه من البعد تفلشت
عاتبتج برساله وجنت متاكد تقريهه
وصدك وصلتج وانتي فرحتي بيهه
ورديتي من جديد ورجعتي ليه
ومن فرحتي ماعرفت الالي من العليه
ورجعنه نحجي واني المح لج
وانتي فاهمه وتدرين اني احبج
ورجع كلبي ينبض باسمج
ورجعت اني تايه بلحنج
وبقيت يوم عن يوم اتقربلج
وحيل خايف بحبي اعترفلج
اجت الحجايه وريتني ماسمعتهه
من كلتي منحجي بعد انه ماعرفتهه
من كلتيهه حسبتج تشاقين
ولشخصي ابد بعد متعوفين
بس انتي كلتي شنو نهايتنه
يعني شنو النهايه بهذي حالتنه
جبرت روحي ونفذت طلبج
وعليه كلش صعبه لان كلبي حبج
وكلتي لتضوج يفلان الدنيه متسوه
شلون تردين ماضوج وضاع الهوه
رحتي يومين ورجعتي تسالين شلونك
يعني شتصورين شلوني بعد عوفك
خلصت عشرتنه وراحت وانتهيت
حجايه حلوه تحاجيني تمنيت
اني هسا اريد اعاتبج وما ادري اذا تقرين
ليش تجين يومين تولعيني وتردين ترحين
بعد هوايه حجي يخدعني
بس كلبي صار يوجعني
بالنهايه اذا تريديني تروحي وتبعدين
روحي الله وياج بس بعد لترجعين