للشاعر محمد الطائي
تعال انسى الزعل وانسى الكلت والكال
وخلينة نعيش بلا مشاكل...
صير انتة بمكاني وقرر شمتريد
وشتقرر حبيبي اني قابل....
تدريني ضعيف اكبال زعلك ليش
علي زعلان وتبيع المراجل...
فخر مالك تصعد عني ولا مقبول
تعذر علي عندك مشاغل ....؟
وانا لاجلك عفت ياما اشغال
ولا كتلك حبيبي بيوم باطل..
بسبب حبي الك سموني مجنون
وتدريني حبيبي شكثر عاقل...
خلينا انتعاتب اني وياك
والغلطان ينطي اشوي تنازل...
موعيب التنازل بين الاحباب
بس عيب الزعل عيب التحامل...
تعال انسى الزعل خلينا ننسى الراح
وابدي وياي صفحة من التفاؤل...
الف مرة غلطت ...ومرة اغلطت وياك
بين الناس احسبهة تعادل..
حبيبي ارجوك خلي نصفي الكلوب
ونعيش اثنينه بحب وتواصل...
انا ابعدك مصيري الموت محسوم
مثل زرع بحك فوس ومناجل