يالعوب
من سواليفك عرفت إنك كذوب ...
بس عادي ... و مايهم ...
خلني بعيونك السوداء اذوب ...
هذا هو كل المهم
ضحكتين
ودمعتين
وكأس شوووق ... وكأس ذووووق
وكلمتين ( كلهن وجد ... وغزل )
وإرتعاش كفوف
ونقش حنا
وهز خصر
وانتهينا ... وإبتدينا
وصب لي كاسٍ جديد
الهوى بقلبي برد
ياغلاي ...
تدري إني احتضر ...؟!
وإن سواليفك دواي ...!!
وإني احاول اروح ... وابعد بعيد
وكل ماقلت ابا اسافر ... وابتعد
ارجع افكر ... والقاني ارد
مد كفك ...
شد كفي ...!!
الهوى مابه حياء
قل احبك
قل اموووت
قل انا عاشق وهاوي
قل احب
قل احب
قل احب
قل اذوب من الولة ولا اتوب
الهوى ماهوب عار ...!!
الهوى عز ... وشرف
ما بقى للهجر عذر
ولا بقى للوصل صبر
وكل عنقودٍ على شفاهك يصيح
مد لي حبة عنب ...!!
خلني امشي ... واطيح
والهوى أنت
والغلا أنت
والسوالف ... والمعاني ... والوله ... والشوق ... والعشق العفيف
كلها أنت ...
يا طهارة
يابعد ليل المولع ... يا صباحه ... يا نهاره
يامطر
يا دهن عود وغلا... وانفاس بنت ... ياعطر
الهوى دربه امان
لا يهمك من يقول إنه خطر ...!!
الخطر موت القلوب
ياكذوب
تبتدي فيك المدينة
وتلتقي فيك الدروب
مابقى فيني ...
شف يديني
شف ملامح ضحكتي
شف شراييني ... ودواويني
كلها تبكي عليك
ياشقاي ... احلى شقى
ياهناي ...
يا غلاي
يا بعد قلبي ... وكلي
ما يفيدك كثر ذلي
إبتديت احب...
وإنتهيت احب
وصرت آخر درب ...
ودروبك غدير
ياصغير ...
ياخصر
يا بعد كل الخدود
يا حلا كل القدود
يا صغَيّر ... بالهوى توّك بزر
وانايا قلبي كبير ...
يووووه
وش تقول الناس عني ...؟!!
زيد روما مات في قطعة بزر ...؟!!
بس عادي
كله لعينك يهون
داخ راسي ... وإنكسر قلبي ... وكاسي
وقمت انود
والهوى ذل
لعن ابو ذلك ... وياسي
عمري ما اقسى عليك
وأنت قاسي ...!!
ورح على كيفك فديتك
سافر بعيد
انا فيذا احتريك
كنت احاول اخفي الدمعة
عارفك تفرح بها
وانا بعيوني دموع
وكنت اخاف إني اغار
وتفضحني الغيرة عليك
واخاف اقول اني ابيك
وتحسها ضعف ... وكسر
وانا تعودة الشموخ
في كل شي
إلا هواك ... ومالي على عشقك عذر
اثر الهوى هم ...؟!
ودمعة الم ...!!
وضيم ... وقهر ... وكسرة عظم ...!!
بس ماعليه
تحلالي هموم الهوى
واصبر عليك
واشرب من العلقلم عسل
واموووت فيك
وسو اللي تبيه
احبك ... غصبٍ عليك
قلبي ... وانا حر فيه
يعشق
يموت
يشرب قهر
قلبي ... وإنت اش دخلك فيه ...؟!
وغصبٍ عليك اموووووت فيك
وموتي قهر ...!!
الهوى اصلاً شرف
ماينالونه ملوك
وانا نلته منك ... وغصبٍ عليك
يافديت امك ... وابوك ...!!
انا اتشرف احب
وانت كيفك ...!!
عنك لاحبيت ابد
مت قهر ...
انا اشرب من غرامك ... وأنت صايم عن هواي
وربي ارحم حالتك
واشفق عليك
موتي قهر !!