قوموا نعزيها --- قوموا نواسيها
ام الحزن زينب --- قوموا نواسيها
عزو اللي ما حد غيره سماها --- الباري ونزّل جبريل ال أباها
زينب اسمها وهاي عزها وجاها --- أم المصايب كربله بلاها
ليتك تشوفه حملها وعزاها-- اول حفيدة وهاي هي اولاها
ابحضن النبوة زينب مرعاها --- رضعت قداسة فاطمة غذاها
شمس الرسالة وكربله علاها --- عظّمها رب الكون وجلاّها
زاد الشرف ابخديجة وشداها --- جدتها ورثت فضلها وتقواها
رتبة مفضليها ---- اصلابها فيها
زينب اللي ما ليها صوت وشوف – حروف الحشمة منها صارت الحروف
بالليل بس تطلع والخبر معروف --- ويا الحسن وحسين وحيدر صفوف
هاي اللي الحسن صار بيها مشغوف - قال الطشت شيلوه ما امبي تشوف
ولسانها فصاحته صنوف صنوف --- يزيد خلت شَعَره يوقف وقوف
شجرتها فرعها بالسمه مكتوف --- من حيدر الشجاعة ما تعرف خوف
علمها وكرمها بيبانه ألوف --- باخلاق جدها تسّقف قلبها سقوف
العلم طاغيها --- والجود راعيها
طافت مريم بالفضيلة والرتبه --- واتعدت بت مزاحم كفه وحبه
القرآن يتفسر عندها وقلبه ---- تصب العلم بالمجلس احسن صبه
والوقار معدنه منها ولبه --- وما قطعت تهجدها بليل الغربه
من شال الضعن الحاله صعبه --- ارض المدينه تعوفها للكربه
مأموره من حيدر مو بس رغبه – امر الله ولاخوها هبت هبه
وبالموكب ويا حسين صارت حربه -- والكفر راسه تقطعه وتضربه
موكبه بيها ---- هيبته فيها
لا وين يمه هالسفر إلى وين --- معلوم عندج ينقتل خوج حسين
والمصرع مو واحد بس مصرعين -- مصرع ابوفاضل ومصرع الحسين
وباقي الاهل بالدمه مرملين --- بالعرى من دون الغسل والتكفين
وصاروا على التربان مسلبين – واطفالج ما بينهم مفزوعين
وبتشوفي املاك السمه مصلين --- على الجثث وباعلامهم مقيمين
يحفون قبر حسين للزائرين --- بالمغفرة دعواتهم متقربين
بقبره نواسيها --- احزان نحييها
إبليس بيوم العاشر يتبختر --- فرحان ورثهم نار ويفخر
يشككهم بحيدر والكوثر --- ضلاهم بالكفر أو جه يتكبر
خلاهم يعادون حسين أكثر --- وشغلهم باموال الدنيه والمنكر
ما يحسبون حساب الكل يخسر --- دنيا وآخرتهم نار المحشر
كل كبيرة فعلوها يا حيدر--- والجريمة الكبرى حز المنحر
وعباس ايدينه لا يمنه وايسر --- ابعينه السهم رزوه رزة اقشر
الماي ساقيها --- عباس راعيها
الجبال من شافت زينب انهدت ---- صبرها هزهه ضرباها واندكت
نار الخيم ما شبت بس اعتكفت --- انكسر قلبها ولزينب فرت
قالت ناري ما تحرقها وردت --- ويزيد وجه لهبته وكبت
من شافت العطشان عنها صدت --- عبد الله وصارت تستحي و ولت
وهزاها منظر الذبح وشبت --- خلت أمية تصيح منها لهبت
وما جفت دموع الحزن ما جفت --- من شافت زينب تنضرب وانسبت
زينب مسيريها --- للشام سابيها
قومي يا زينب وتكفلي بالعيال --- جتش رقيه وقلبها ميال
والدها تسال وين وينه الخيال --- وينه حبيب الروح دمعي همال
قتلوها براس احسين جابوه في الحال --- ودمعج يا ام الخدر غرقنه وسال
من مجلس ال مجلس وما بين رجال --- راحوا هلج وراحوا عنج الابطال
ودايع الرسالة عندج اطفال --- بذِل الاسر ما حد ليهم كفّال
عمتي وينه عمي وينه والخال --- ضجت حرايرنه راحت الرجال
الايتام حسبيها --- وينه واليها
وقفت على المنحر تدعو ربها --- قربان اتقبل يا ربي قربه
وادموعها على الجسد اتصبها --- مجزوعة وفرشت حزنها بحبه
لوعتها واجروح المصاب اترصها --- ما بين ضلوعه آيات تنصها
والسهام خلته ابقلبها اتغصها ---- وسيف الشمر رقبتها صار يقصها
وين عمامته ورداه باصفها --- صار الندب صبحها وعصرها
ونار الجمر قليبها حرقها --- والمصاب كسرها و عصفها
الليلة نرثيها ---- زينب نواسيها
ولمن وصلت الشام ما رحموها --- قدامها ينضرب راسه خوها
بت الرسالة امقيدة خلوها ---- منهي زينب يدرون ويعرفوها
زينب ما بين العده اسروها--- ليت اشياخي شهدوا وسمعوها
ظلموها وكادوها وعذبوها ---- ودموم اهل الحمية سفكوها
ومتونها باسواطهم جلدوها --- ومن عشيرتها والاهل حرموها
احقاد خيبر وبدر جمعوها ---- وخيام جدهم بولهب نصبوها
الذكرى نحيها --- زينب نشكيه
يمته يمته نزورها يا منتظر --- يمته يمته يزول عنه هالخطر
يمته نواسيها بضلع اللي انكسر --- يمته نمشي اليها على الجمر
يمته نكتب عندها ابيات وسطر --- وندون اشعارنه بدم النحر
ضاقت الارض وضاق الصدر --- عجل يا والينا اشقد ننتظر
ترى ما عنده ما عنده صبر--- نتمنه وياها لو كنه بأسر
انجان حب حسين ابدمنه ينتصر --- والظم يزول ويزول العسر
الله معليها --- وقبته تحجيها
