همتكم بعد بالحالتبن الموت لو نلغي النهرلو ننصب المعبر
همتكم بعد مو كافي اخذنة الليل بس جدحة نهار يبين الخنجر
ويبين الذبح والسيف والذباح وتحد اللسن وحلوك تتبسمر
همتكم بعد شدة نطا تريد مو كافي الجثث عالكاع تتطشر
شنكل للوطن لو عاتبانة عتابانه عتاب ملحك ياوطن والماي ما غزر؟
ما رَبونة اهلنة السدة البيبان اذا نادانة الوطن لو منة نتعذر
واذا مو احنة ونتة الوطن من يحميه نجيب اجناب الة يحمونه تتصور؟
لكل جندي غيور وصدك همة الكاع بهمتك مو فقط بس الامان يعود . جم حلم بحلم للناس يتفسر
جم جرح بكلب باجر بديك يطيب جم دمعة طفل بالعين تتبخر
جم غايب يرد جم سندباد يعود يحضن تربته وبترابة يتعفر
جم شارع يرد يضحك بوجه الناس جم نجمة وكمر جم ليل يتحمر
اذا مو ايد بيد وندحر الارهاب جذب فوك الوطن طابوكة تتعمر