بــــويه محتاجيك

موضوع: بــــويه محتاجيك 17/7/2011, 9:12 pm

شافت عيني طِفله زغيره ----------------- وماتِجاوز عشره سنـــين
تِمـــــسح جامات السياره ----------------- ينطوها ارباع أوخمسين
مِتهـــــرِت ثوب الابِسته ----------------- من الوكفه مورمه الرجلين
رادت بالوصله تنضفلي ---------------- باب السياره مـــن الطـــين
كِلتلها ابنيتي الحبـــابه ----------------- ليش انتي إلي تـشتغـــليــــن
ماحاجتني شافت جُنطه ---------------- وِهــدُوم وشِــرطــان اثـــنين
كَالت عمو إلمن ذنـــي ----------------- ما مِشـــتريه لــي عـــــيدين
خِنكَتني العبره وكِلتلها ---------------- عمو شأسمج وانتــي منين
كَالت عمو زهراء إسمي --------------- والله اهلي اشراف اوطيبين
كِلتِلها زهراء بيا صف ---------------- كِالـت كِل احنا امبــطلـــين
أنشِدهاودمعاتي التهمِل --------------- يبـنــيتي الــوالِــد جا وين
كِالت عمو ابوي استشهد ------------- ضَــحَه بــدمـه لِلصَـــدرين
بصولة فُرسان السموها ------------- كِتـلو وياه خوتـــــي اثنين
بجيش المهدي جانو خوتي ----------- وخـدام الزوار حســـــــين
وجنت بصف الخامِس أنا ------------- وعِندي اخوه ازغار اوحلوين
وعمو مدرستي اشكَد حلوه ------------ والأحــله مِــن مصـطــفـــين
وذكر أبويه يحاجــــيني --------------- زهراء دِكتوره اتصـــــــيرين
ويوَصي اُمي ويكِللها ---------------- بالـــج لِلزهره اتهـضـــــــمين
لَن الطفله تبجي تكِلي --------------- هيجــت بحــجيــك جـرحــــين
جرح الاول فكَد الوالِد --------------- والثاني اخـــواني الخــــــــيرين
وكِالت احجيلك فد موقف ------------ تِحــجي وتمسح دمــع العـــين
هالموقف عمو يألمني ------------- شتتوصـــف طــف لو صِــفـــين
مِن حارب نوري اهل البصره -------- وخـــصــص عمـو الصَــــدرين
الوالِد مِن راد يحارُب -------------- صًد لينه ولن متجمــــعين
وذكر وصه اُمي اعلينه ------------- سِكتي إيكِلها ولاتبجين
وي ربعه من رايد يطلع ------------ صِـحـته بـويه رايــــح ويـــن
رد ليه وخذني بأحضانه ------------ ونــشــف دمــعــي بالجـــفــين
ومش راسي وكَال انا ارجع -------- ولابُد كَلي نحمي الدِين
وماردلي ونشف دمعاتي ----------- وخاف انتضره اهواي اسنين
وكَالت عمو أطلُب مِنك ------------ مِـــن تتعــنــه ازور حسين
طِفله تكِله مِثل سكينه ------------ وتكِـله اهـلي مسبــين
والبصره عِفناها النوري --------- عِد حيدر ادخلنا إمأمنِين
ونوري شحده مايوصلنا ---------- نِدري يسِطره ابو الحسنين

موضوع: رد: بــــويه محتاجيك 1/8/2011, 9:40 pm

جدا جدا رائع ومتميز ,,

اختي

دووما تتحفينا بجديدك المشرق

بوركت ودمت برعاية الله موفقة لكل خير