يبن الكرار ياخويه يـبن الكرار
جتالك ضل يبرالي يـبن الكرار
~***~
ياابو الاكـبر ياعمـود الـدار
انـه مسـبيه وبخـيمنه النـار
اطفال عطشانه ويسلبوهه اشرار
لااخو يـمي ولا علي المـغوار
ذبحـو اطفـال يابويـه ذبحو اطفال
وشبلك على الغبره اموسد يـبن الكرار
~***~
اطلعت بويه ابلليل كَاصد ابن امي
والعدو ينـظر وهم على هـمي
العيله سلـبوهه النـار بخيمـي
بويه صار اللـيل ولا خيم عندي
من اوصلت احسـين يابـويه من اوصلت حسين
جثه بلا راس شـاهدته يـبن الكرار
~***~
ارجعت من احسين كَمت الم اطفال
وينكم ياكرام ووين باقـي اعيـال
صحت يلسجـاد صرنه وبياحـال
عمـه من يكَدر يحـمل الاهـوال
حسين ابلا راس شاهدته حسين ابلا راس
وبعالي الصوت ناديته يـبن الكرار
~***~
صحت ياحيدر حركَو الصـيوان
ادركنـي يابويه راحت الرظـعان
مـابقه عنـدي طـفل لاولـيان
صحت ياعبـاس ياكَمر عدنـان
خيامـك بلنار حركَوهه خيامك بلنار
خويه انهظلي وساعدني يـبن الكرار
~***~
اجمعت بعض اطفال هايمه بلبيد
شفت عدوانك جـان عـدهم عيد
حسـين يبن امـي كَوملـي ياحيد
وضل علي السجاد بالمرض ووحيد
وينخه الجبار باريـيه وينخه الجبار
يرحمنه ويرحم شيعتنه يـبن الكرار
~***~
شاعر اهل البيت (ع)
محمد عبد الزهره النجفي