عباس اعداك امروعينه
~***~
عيالـي جانت خويه ابجالك
من جنت انته اتحامي خيامك
ريتك حـاضر مـن عدوانك
مـن هجمت هل كَوم اعلينه
~***~
اذكـر خويه ذيـج اسنينك
واذكـر كَطعـوه الجفينك
واذكر مـن طفوهه العينك
خـويه عكَبك متـولينه
~***~
زينب مهضومه ابهل حاله
مـن هجمت ذيـج الخياله
مـاضلت خيمه اعله عياله
يـاعباس ويـا والينـه
~***~
انه ابخدري وجنت الوالـي
اذكر من كَتلي امشي ابجالي
ريتك تنضر خويه الحالـي
وتشوف اعـداك امسلبينه
~***~
كَطعو راس حسين اكَبالي
وذيج الخيل ادوس اطفالي
كَوم انضر عباس الحالـي
وعداكـم تتـشمت بينه
~***~
كَمت اجمع اطفال وخدر
وكَدامـي اعداكـم تتبختر
وانـه اجمع اطفـال البلبر
خويه وبصياط املوعينه
~***~
شاعر اهل البيت (ع)
محمد عبد الزهره النجفي
