اليوم طالع يضنوة حيدره اتحطم اقيود اميه الكـافره
هـاي زمـره جـائره اليوم طالع يضنوة حيدره
~***~
ابمثل هل الأيام يجي كتاب ايزيد
يطلـب البيعه مـن اخو الصنديد
هذا كل عقله ايصيطر اعله الحيد
يهدد احسين ابن سيد البشر ايزيد كافر بعد اتعس واشر
وبقت نـاره امـوجـره اليوم طالع يضنوة حيدره
~***~
قرر ويطلـع ابن ابو الصبطين
ويحمي بعياله شما بقه من الدين
ويدري كَوم ايزيد يطلبوه ابدين
هذا الحسين ابن فـارس بدر امحطم اشيوخه طعناة وطبر
هـذا ابن مـن قسـوره اليوم طالع يضنوة حيدره
~***~
كَـام ابو اليمـه يخبر العبـاس
ابرحلته هذي ويدري رفعة راس
وهـذا ابو فاضل راعي النوماس
هذا ابن حيدره فارس مضر يسحك ابسيفه اشرار البشر
هـذا ابـن الطـاهـره اليوم طالعه يضنوة حيدره
~***~
إنوب اجه العباس لخته بت حيدر
يكَلهه كَومـي وياي وانه المشكر
وعـد مـنه اتريد يكفـل الخـدر
خويه بشري ونه ابن الطهر انه ابو فاضل الكَلبج اسر
وزينـب المستبشـره اليوم طالع يضنوة حيدره
~***~
والعليله اتريد تمشي ويه حسين
لا تخلوني وحدي الي من ايعين
الوالد ايصبر فاطمه بهـل حين
ايكَلهه من اوصل وللمستقر بويه اكتب واكلج بلخبر
وفـاطمه اتضل تنطـره اليوم طالع يضنوة حيدره
~***~
شاعر اهل البيت (ع)
محمد عبد الزهره النجفي
